Gaur egungo hezkuntza sistemak gizarte jakin mota baterako hezten ditu pertsonak. Badira, halaber, gizarte mota desberdin batekin amets egiten duten pertsonak. Pedagogia libertarioari eta eskola askeei buruzko ikastaroan alternatiben inguruan hitz egin dute. Gaur Euskal Herrian eskola aske txiki batzuk badirela, eta euren esperientzia ekarri dute Baionako IUTra. Hezkuntzatik hasi eta gizartean oro har aldaketa emateko ideiak jorratu dituzte.