Kalitate bermea
Zer esan nahi du kalitate bermea eskatzeak?
Zure dokumentua, apuntea, txostena... igotzerakoan aukera bi izango dituzu:
Kalitate bermea eskatzeak esan nahi du, 15 eguneko epean, Udako Euskal Unibertsitateko (UEU) Liburugintza Batzordeak finkatutako irizpideen arabera gainbegiratuko dela, eta ondorioz, igotako dokumentuak, apunteak, txostenak... kalitate bermearen ikurra izango duela.
Helburua: testua zuzena, egokia eta komunikatiboa izatea.
- Besterik gabe igo.
- Kalitate bermea eskatu.
Kalitate bermea eskatzeak esan nahi du, 15 eguneko epean, Udako Euskal Unibertsitateko (UEU) Liburugintza Batzordeak finkatutako irizpideen arabera gainbegiratuko dela, eta ondorioz, igotako dokumentuak, apunteak, txostenak... kalitate bermearen ikurra izango duela.
| Kalitate bermearen ikurra | Gainerako dokumentuen ikurra |
 |  |
Kalitate bermea emateko kontuan hartuko da:
Helburua: testua zuzena, egokia eta komunikatiboa izatea.
- Zuzenak, euskara zuzena esan nahi du, hau da, euskara batuan (Hiztegi Batua eta Euskaltzaindiaren arau eta gomendioak aintzat hartuz) idatzita egotea eta gramatika zuzena izatea (deklinabidea, aditzaren morfologia, joskera...).
- Egokia, batez ere lexiko egokia bermatzea eta terminologia zaintzea (komunitate zientifikoan adostutako terminoak erabiltzea).
- Komunikatiboa da testua irakurri ahala, lehengo irakurraldian, eragozpenik gabe ulertzen dena. Atal honetan estiloari begiratzen zaio hainbat estilo-zuzenketa ulergarritasunaren mesederako izan baitaitezke (atzerakarga saihestea, hots, aditza gehiegi ez atzeratzea; subjektua eta aditza gehiegi ez aldentzea; aditza aurreratzea...).
Kalitate bermea eskuratzeko erremintak:
Baliabide elektronikoak:
- Euskalterm Terminologia Banku Publikoa
- Euskaltzaindiaren arauak
- Hiztegi Batua
- Hiztegiak (orokorrak, sinonimoak, entziklopedikoak, gaika...)
- Jagonet
- XUXENweb
- Zientzia eta Teknologiaren Hiztegi Entziklopedikoa
Jarraibideak:
- Alberdi, X. (2001): Euskal Estilo Libururantz. Gramatika, Estiloa eta Hiztegia, EHU, Bilbo.
- Ensunza, M.; Etxebarria J. R. eta Iturbe J. (2002): Zientzia eta Teknikarako Euskara. Zenbait hizkuntza-baliabide, UEU, Bilbo.
- Garzia, J. (2005): Kalko okerrak. Ikasmaterialen Aholku Batzordea. Estilo-liburuaren bigarren atala, Hezkuntza, Unibertsitate eta Ikerketa Saila, Gasteiz.
- Mujika, A.; Goenaga, A. eta Alberdi, A. (2005): Onomastika, Ikasmaterialen Aholku Batzordea. Estilo-liburuaren hirugarren atala, Hezkuntza, Unibertsitate eta Ikerketa Saila, Gasteiz.
- Zubimendi, J. R. (2004): Ortotipografia. Ikasmaterialen Aholku Batzordea. Estilo-liburuaren lehen atala, Hezkuntza, Unibertsitate eta Ikerketa Saila, Gasteiz.