Hemen zaude: Hasiera Ikasleen txokoa Ikasleen txokoa - Iragarkiak
Erabiltzailearen akzioak

Ikasleen txokoa - Iragarkiak

Iragarkia object code Ika Gasteiz Euskaltegian euskara irakasle aritzeko lan-poltsa
Ikasturte honetan Ika Gasteiz Euskaltegian euskara irakasle aritzeko lan-poltsa osatu nahi dugu. Hauek dira bete beharreko baldintzak: -Unibertsitateko diplomatura, lizentziatura edo gradua. -C1 edo C2. Gure webgunean izena eman eta gu jarriko gara zuekin harremanetan: https://gasteiz.ikaeuskaltegiak.eus/euskara/gurean-lan-egin-nahi
Iragarkia Octet Stream Lan-eskaintza DIPCren zientzia-komunikazio eta dibulgazio sailerako
Donostia International Physics Center (DIPC) goi mailako titulazioa duen hautagai baten bila dabil zientzia-komunikazio eta dibulgazio sailerako. Hautatutako pertsonak laguntza emango die DIPCko zientzia-komunikazio eta dibulgazio saileko arduradunei. Eginkizunak Besteak beste, DIPCren komunikazio- eta dibulgazio-jarduerei lotutako ekitaldien antolakuntzan, koordinazioan eta hedapenean laguntza (kultura zientifikoaren sustapenerako ekintzak, hitzaldi publikoak, jaialdiak, topaketak, tailerrak, etab.); prentsa-ohar instituzional zein zientifikoen idazketa edo berrikusketa; prentsa-oharren bidalketa eta hedabideekin arreta; Interneten zabalkundea (sare sozialak, newsletterrak, etab.); DIPCko komunitateak burututako aktibitateen inguruko inpaktuen jarraipena, konkretuki, bere presidentearena; laguntza komunikazio korporatiborako materialen prestaketa eta egunerapena (memoriak, liburuxkak, webgunea). Puntualki, DIPCren proiektu desberdinetako partaidetzarekin eta diru-laguntzen eskaerarekin lotutako proposamen eta memoriak egiteko laguntza. DIPCk nazioartean egindako ikerketak duen bikaintasun ospean oinarrituko da beti garatutako aktibitatea, eta hautatutako pertsonak zuzenean DIPCko Komunikazio arduradunari erantzungo dio. Betebeharrak Prestakuntza: Goi mailako titulazioa zientzia arloan, bereziki, Fisika edo Kimikan lizentziatua edo goi mailako titulazioa Informazio Zientziatan, Kazetaritzan, Komunikazioan edo antzekoetan, komunikazio zientifikoan esperientzia ziurtatzen duten heinean (Masterrak etab). Hizkuntzak: ingelesez eta euskaraz ahozko eta idatzizko maila altua. Ezinbestekoa da ikerketa-ingurunean trebatua izatea: teknologia-zentroa, ikerketa-zentroa, unibertsitatea, enpresa baten I+G saila, edo antzekoa. Lanean hasteko berehalako erabilgarritasuna. Balioetsiko diren ezagutzak Doktorego zientifikoa edo eta hirugarren mailako gradua lan-postuarekin harremana duten gaietan. Beste hizkuntza batzuen ezagutza. Eskarmentua komunikazio digitalean, sare sozial korporatiboetan, dibulgazio blog-etan, etab. Betebehar pertsonalak Gizartearen zientzia ulermenarekiko sentsibilitatea. Informazio konplexua idatziz, ahoz edo eta irudien bitartez komunikatzeko gaitasun aparta. Bizitasun, ekimen eta gaitasuna talde lanerako. Eskaintza Nazioarteko izena duen ikerketa zentro batean lana egiteko aukera. Urtebeteko lan kontratua jardunaldi osoarekin, 2018ko urtarriletik aurrera hasteko. Soldata hautagaiaren profilaren arabera negoziatua. Interesa duten pertsonek curriculum vitae (CV) eta aurkezpen gutuna bidali beharko dute jobs@dipc.org helbide elektronikora 2017ko abenduaren 22a baino lehen. Hautagaitzak DIPCko zuzendariak izendatutako komisio batek ebaluatuko ditu hurrengo irizpideak jarraituz (puntuazio osoaren zenbatekoa parentesi artean adierazita): - Hautagaiaren CVa (%30) - Lan-eskaintza honetan adierazitako alderdietan frogatutako esperientzia (%30) - Aurkezpen gutuna (%10) - Elkarrizketa pertsonala (%30) Komisioaren arabera lanposturako derrigorrezkoak diren baldintzak betetzen ez dituzten profilak ez dira ebaluatuak izango. Halaber, elkarrizketa pertsonalaren fasera heltzeko beharrezkoa izango da 70 puntutik gutxienez 50 lortzea CVaren ebaluaketa, esperientzia eta aurkezpen gutunean. Hautaketa prozesuaren gaineko azken erabakia DIPCko webgunean argitaratuko da ahalik eta azkarren.
Iragarkia shell script Laguntzaileak (AESH)
SEASKAk, ikastoletan aritzeko Ahalmen urriko haurren Laguntzaileak (AESH) bilatzen ditu : - Miarritzeko ikastolan : 27 orduz : 2017ko abenduaren 4tik -> ikasturte bukaera arte - Sohütako ikastolan : 15 orduz : 2018ko urtarrilaren 8tik -> ikasturte bukaera arte Lanbide huntarako bete behar diren irizpideak hauek dira : Euskara eta frantsesa jakitea, ahozkoan eta idatzian (ezinbesteko baldintza) CAE kontratupean izaiteko baldintzak betetzea Bere burua behar bereziak dituen ikasleak laguntzeko prest sentitzen dena Zailtasunak dituen haur baten garapena analisatzeko eta horren arabera bere lanaren moldatzeko gai izatea Pertsonen laguntzaile edo « Aide à la personne » kalifikazioan sartzen diren diplomak ukaitea : hauek dira zehazkiago : « Auxiliaire de vie sociale» « Aide médico-psychologique» « Aide à domicile» Aipatu diploma hauek ez izanik ere, AESH gisa edo ahalmen urriko pertsonekin bi urtez lan egin duten pertsonak ere irizpideetan sartzen dira lanbide honetarako Interesatuak direnak, motibapen gutuna + kurrikulum bat + diplomaren kopia helaraz dezatela 2017ko abenduaren 4a arte : SEASKA – Nere Pentzea, route de la Pouponnière bidea – 64250 KANBO edo seaska.saroia@orange.fr helbidera idatziz
Iragarkia Irakasle ordezkoak
SEASKAk, Lehen Mailako Irakasle Ordezkoak bilatzen ditu 2018ko urtarrilaren 8tik -> ikasturte bukaera arte: Denbora osoz (24 ordu astean) : Amikuzeko ikastolan Denbora partzialez (15 ordu astean) : Arberoako Ikastolan Donibane Lohizuneko Ikastolan Kanboko ikastolan Donibane Garaziko Ikastolan Hendaiako Ikastolan Lekorneko Ikastolan Miarritzeko Ikastolan Bete behar diren baldintzak: Lizentzia edo mazterra ukan Euskaraz eta frantsesez irakasteko gaitasuna Esperientzia oinarrizko hezkuntza orokorreko erakaskuntzan Interesatuak direnak, idatz dezatela 2017ko abenduaren 6a aitzin : Motibapen gutuna, kurrikuluma eta diplomaren kopia igorriz : SEASKA – Nere Pentzea, route de la Pouponnière bidea – 64250 KANBO edo emailez : seaska@ikastola.eus
Iragarkia Octet Stream GEU elkartean aritzeko administratzaile lanpostua
GEU elkarteko administratzailea izateko lanaldi erdiko lanpostua betetzeko deialdia luzatu duGEU elkarteko administratzailea izateko lanaldi erdiko lanpostua betetzeko deialdia luzatu dugu. Interesa dutenek curriculuma info@geuelkartea.eus helbidera bidali dezakete abenduaren 3a baino lehen.
Iragarkia ATK inset Datu baseak (Mircosoft Access programaren bitartez) sortzeko pertsona baten bila
Datu base bat (Microsoft Access programaren bitartez) sortzeko gai den pertsona baten bila gabiltza. Programa oso ondo kontrolatzea eskatzen da.
Iragarkia Octet Stream Museorako teknikaria
Eskoriatzako Udalak pertsona bat kontratatuko du Enplegua sustatzeko 2017ko diru laguntzen baitan, Ibarraundi museoan lan egiteko, hain zuzen ere udalerriko ondareari buruzko datuak antolatu eta, hala badagokio, osatzeko. Lan kontratua 6 hilabeterako izango da, lan jardun erdira. Eskaerak aurkezteko epea 2017ko azaroaren 23an bukatzen da, eta hauek dira derrigorrez bete beharreko baldintzak: Lanbiden (Euskal Enplegu Zerbitzuan) izena emanda egotea. Gutxienez, turismoari, historiari edo/eta arteari lotutako goimailako heziketa ziklo bat izatea. EGA titulua edo baliokidea izatea Debagoienean erroldatuta egotea Enplegu planeko kolektiboren bateko pertsona bat izatea. Informazioa eta izen ematea: LANBIDE Telefonoa: 943023860 Web: www.lanbide.net Erreferentzia: 162017011545
Iragarkia Emun Aholkularitzak lan poltsa irekiko du
EMUN Aholkularitzak lan poltsa osatzeko deialdia egiten du. Beharrak: 1.-EUSKARA PLANAK GARATZEKO TEKNIKARIAK 2.-PARTE HARTZE PROZESUAK BIDERATZEKO TEKNIKARIAK Eskakizunak eta konpetentziak: • Lizentziatua izatea. • Euskara maila altua izatea (gutxienez EGA edo baliokidea). • Euskara planetarako: euskararen normalizazioan edota euskalgintzan esperientzia edukitzea. • Parte hartze prozesutarako: parte hartze prozesuetan esperientzia edukitzea. • Taldeen lidergoan eta proiektuen kudeaketan aritua izatea. • Komunikatzeko eta taldeak dinamizatzeko gaitasuna izatea. • B1 gidabaimena edukitzea. Baloratuko da: • Hizkuntzen ezagutza (4.HE, ingelesa, frantsesa, katalana,…). • Parte hartze masterra edo baliokidea. • Emakume eta gizonen berdintasunerako masterra edo baliokidea. • Harremanetarako eta koordinaziorako gaitasuna. • Talde lanean aritzeko gaitasuna eta jarrera. • Hiznet eginda edo egiten egotea. Probak, azaroaren 20ko astean edo hurrengoan egingo dira eta hautatutakoei bakarrik deituko zaie. Curriculuma sartu gure webguneko (www.emun.eus) “Lan bila?” atalean. Azken eguna: azaroaren 19a
Iragarkia Kotxea Donostitik Eibarrera joateko azaroak 18 an
Azaroak 18an Donostitik 8:30 atera eta Eibarretik 14 tan bueltatzeko jende bila nabil, kotxea konpartitzeko
Iragarkia audio/x-realaudio Hautespen prozesua - Zuzendari orokorra
Tabakalera nazioarteko ikuspegia lantzen duen sorkuntza zentro bat da. Sormenaren funtzio hori garatuko du, zeharka, kultura eta sormenezko industrietan, ikus-entzunezko industrian eta arte garaikidearen espresio anitzeko edukietan. Kulturarenganako konpromisoaz gain, merkatuarekiko eta industriaren garapenarekiko konpromisoa ere kontuan hartu behar dira. Tabakaleraren helburu da, baita ere, euskarazko sorkuntza bultzatzea eta berrikuntzaren bidez erakargarri egitea. Testuinguru honetan, Tabakaleraren erronkak honako hauek dira: Tabakaleraren parte diren erakunde eta ekipamendu guztientzat komuna izango den ikuspegia eta estrategia garatu eta ezartzea; Tabakaleraren ikuspegia zabaltzea eta operatibo egitea, kultura eta sormenezko industrietako talentua indartzeko bidean; eta Donostiako, Gipuzkoako eta Euskadiko kultura eta enpresa sarearekiko Tabakaleraren funtzio zehatzaren definizioan sakontzea. Unibertsitate mailako prestakuntza duen pertsona baten bila gabiltza, euskara, gaztelania eta ingelesa menderatzen dituena (C1 maila edo parekoa), eta kudeaketa postuetan gutxienez hamar urteko esperientzia duena, bai kultur proiektuetan, bai kultur eta sormenezko industrietan edo, beste arlo profesional batzuetan aritu arren, kulturarekiko interesa eta sentsibilitatea adierazten duena. Ikuspegi estrategikoa eta nazioarteko begirada izan behar ditu, eta proiektu konplexuen kudeaketan eskarmentua erakutsi. Lidergo dohainak izan behar ditu, komunikaziorako trebezia handia eta lantalde anitzak kudeatzen esperientzia. Informazioa: 943314997 https://careers.talentclue.com/es/node/21169492/12623479
Iragarkia ANBOTO astekariak diseinatzailea behar du.
Iragarkia Erizain-laguntzailea San Andres Fundazio Publikoan
LANPOSTUAREN DESKRIBAPENA: Proiektu honek, terapia fisikoen bidez, San Andres Fundazio Publikoko egoiliarren egoera fisikoa hobetzea du helburu. Asmoa da egoiliar bakoitzaren egoera fisikoaren eta gaitasun funtzionalaren araberako helburu errealistak ezartzea; hori egin ostean, plan terapeutiko bat ezarri eta aplikatuko da. Plan terapeutikoa egiterakoan, kontuan hartuko da zein den egoiliarrarentzako ordutegi egokiena zentroan egiten diren beste ekintza batzuen ordutegi berean ez koinziditzeko. Proiektuaren lehen hilabetean, kasuak aztertuko dira eta lehentasuna ezarri. Azken hilabetean, kasuak banan-banan ebaluatuko dira lortutako hobekuntzak zehazteko. Emaitza globala ere aztertuko da. EZINBESTEKO BALDINTZAK: Erizain-laguntzaile titulua edo baliokidea izatea. Langabetua izatea Eibarren erroldatuta egotea BESTELAKO BALDINTZAK: Ondorengo talde bateko langabetuak: ● 35 urteko edo gutxiagoko pertsonak. ● 45 urtetik gorakoak, baldin eta enplegu-eskatzaile gisa gutxienez 6 hilabete eman badute. ● 55 urtetik gorako pertsonak. ● Luzaroko langabeak. Luzaroko langabetzat joko dira kontratatu aurretiko 18 hiletan, gutxienez, Lanbide-Euskal Enplegu Zerbitzuan lan-eskatzaile gisa inskribatuta egon eta langabezian 12 hilabete eman dutenak. ● Gizarte-bazterketa jasateko arriskua duten pertsonak. Diru-sarrerak bermatzeko errentaren titularrak eta haien elkarbizitza-unitateko kideak ez ezik, honako hauek ere hartzen dira gizarte-bazterketa jasateko arriskuan dauden pertsonatzat: – Hemezortzi urtetik hogeita hamarrera bitarteko gazteak, adingabeak babesten dituzten erakundeetatik datozenak. – Drogazaletasun-arazoak dituzten edo bestelako mendekotasun-arazoak dituzten eta errehabilitazioko edo gizarteratzeko prozesuan dauden pertsonak. – Espetxean egonik, beren espetxe-egoeragatik enplegu bat eskura dezaketen eta beren lan-harremana uztailaren 6ko 782/2001 Errege Dekretuaren 1. artikuluan araututako lan-harreman bereziaren aplikazio-eremuaren barruan ez duten presoak, baita baldintzapeko askatasuneko egoeran daudenak eta preso ohiak ere. – Preso adingabeak, adingabekoen zigor-erantzukizuna arautzen duen urtarrilaren 12ko 5/2000 Lege Organikoaren aplikazio-eremuan daudenak, eta beren egoeragatik enplegu bat eskura dezaketenak, eta beren lan-harremana uztailaren 30eko 1774/2004 Errege Dekretuak onartutako adierazitako Legearen Araudiaren 53.4 artikuluak adierazten duen lan-harreman berezien aplikazio-eremuaren barruan ez dutenak, baita zaintzapeko askatasuneko egoeran daudenak eta preso ohiak ere. – Euskal Autonomia Erkidegoko agintaritza eskudunek baimendutako urgentziazko bizitoki-zentroetan ibili diren pertsonak. – Desgaitasuna dutenak. – Familia-erantzukizunak dituzten emakumeak. Familia-erantzukizunak dituzten emakume deritze beren kargura ezkontidea eta/edo 26 urtetik beherako seme-alabaren bat edo 26 urtetik gorako seme-alaba ezinduren bat edo harreran hartutako adin txikikoren bat dutenei, beti ere familia-unitateko kideen bataz besteko banakako errenta ez bada lanbide-arteko gutxieneko soldataren % 75 baino handiagoa. Agiri bidez behar bezala egiaztatu beharko dira aurreko baldintza horiek. – Genero-indarkeriaren biktima diren emakumezkoak. BALORATU DIREN BALDINTZAK: Geriatrikoetan esperientzia izatea baloratuko da Taldean lan egiteko gaitasuna duen pertsona langilea eta dinamikoa Formakuntza edota esperientzia izatea teraupetika fisikoan Kontratu-mota: Obra eta zerbitzua. Kontratuaren iraupena: 6 hilabete (lanaldi zatitua % 77,87) Interesa duten pertsonek Lanbiden izena eman behar dute 2017ko azaroaren 14a baino lehen, hurrengo lan eskaintza zenbakian: 162017010966. Web orriaren bitartez ezin izango da eman izena. Informazio gehiago nahi izanez gero interesatuek 943-023802 (Lanbide) telefonora deitu beharko dute.
Iragarkia Octet Stream Doktoretzarako Laguntza-programen III. deialdia egin du AZTI Fundazioak
Doktoretzarako Laguntza-programen III. deialdia egin du AZTI Fundazioak. Ezagutza sortzen duen ikerketa-lana egin eta trebakuntza-maila handiko talde batean jardun nahi dutenentzat da deialdia. Helburua Hau da deialdiaren helburua: bi laguntza ematea onuradunek —aurrerantzean, “trebatzen ari diren langile ikertzaileak” ere esango diegu— doktoretza-tesia AZTI Fundazioaren lantegietako batean egonaldia egiten ari direla egin dezaten, lizentziatu gazteei ikerketarako eta lanerako bidea erraztearren. Onuradunak Oinarrietako baldintzak betetzen dituztenek eska ditzakete bekak. Beka bakoitzak proposatzen duen espezializazio-alorretako goi-mailako lizentziatuak eskatzen ditugu batez ere, eta bekaren aplikazio-eremuari dagokion masterra 2015eko otsailaren 1a baino geroago amaitua dutenak. Beka-modalitateak Gehienez ere lau urterako izango da laguntza, Trebatzen ari diren Langile Ikertzaileen Estatutuak dioenari jarraikiz. Lehenbizi, bekadun izango dira bi urtez, eta, gero, praktikaldiko kontratuarekin arituko dira, gehienez beste bi urtez. Urtez urte berrituko dira epe horiek. Eskaerak aurkezteko azken eguna: 2017ko azaroaren 21a. Hautagaiak aukeratzeko prozesua: 2017eko azaroaren 22tik abenduaren 23ra. Hasiera-data: 2018ko otsailaren 1etik aurrera Diru-hornidura, hileko (bekaldian): 1.000 € gordin Beti jakin-minez bazabiltza, zerbait desberdina egin nahi baduzu eta ikerketazale amorratua bazara, aukera ederra eskaintzen dizu AZTIk. Zu ezagutzeko gogoz gaude! www.azti.es
Iragarkia object code Euskara teknikari lanposturako lan poltsa osatuko du UEMAk
Iragarkia Octet Stream Eibarko Udala. Administraria
Lanpostuaren deskribapena: eUdala proiektuaren garapenean babesa ematea administrazio elektronikoa sustatzeko xedearekin, barnera zein kanpora begira. Betebeharrak: Espedienteen gestorean inprimakiak eta prozedurak sartzea Inprimakiak formulario bihurtzea Espedienteen gestorearen ezarpenean eta erabileran parte hartzea (erabiltzaileak prestatzea, aholkularitza, herritarrei arreta ematea, gertakariei irtenbidea ematea, etab.) Betebeharreko baldintzak: Administrazioa eta kudeaketako goi mailako heziketa-zikloa ofimatikako ezagutzekin (Office librea), bereziki Word edo antzekoa. 3. Hizkuntza eskakizuna izatea Eibarren erroldatua izatea lehenetsiko da. Bestelako baldintzak: Ondorengo talde bateko langabetuak: ● 35 urteko edo gehiagoko pertsonak. ● 45 urtetik gorakoak, baldin eta enplegu-eskatzaile gisa gutxienez 6 hilabete eman badute. ● 55 urtetik gorako pertsonak. ● Luzaroko langabeak. Luzaroko langabetzat joko dira kontratatu aurretiko 18 hiletan, gutxienez, Lanbide-Euskal Enplegu Zerbitzuan lan-eskatzaile gisa inskribatuta egon eta langabezian 12 hilabete eman dutenak. ● Gizarte-bazterketa jasateko arriskua duten pertsonak. Diru-sarrerak bermatzeko errentaren titularrak eta haien elkarbizitza-unitateko kideak ez ezik, honako hauek ere hartzen dira gizarte-bazterketa jasateko arriskuan dauden pertsonatzat: – Hemezortzi urtetik hogeita hamarrera bitarteko gazteak, adingabeak babesten dituzten erakundeetatik datozenak. – Drogazaletasun-arazoak dituzten edo bestelako mendekotasun-arazoak dituzten eta errehabilitazioko edo gizarteratzeko prozesuan dauden pertsonak. – Espetxean egonik, beren espetxe-egoeragatik enplegu bat eskura dezaketen eta beren lan-harremana uztailaren 6ko 782/2001 Errege Dekretuaren 1. artikuluan araututako lan-harreman bereziaren aplikazio-eremuaren barruan ez duten presoak, baita baldintzapeko askatasuneko egoeran daudenak eta preso ohiak ere. – Preso adingabeak, adingabekoen zigor-erantzukizuna arautzen duen urtarrilaren 12ko 5/2000 Lege Organikoaren aplikazio-eremuan daudenak, eta beren egoeragatik enplegu bat eskura dezaketenak, eta beren lan-harremana uztailaren 30eko 1774/2004 Errege Dekretuak onartutako adierazitako Legearen Araudiaren 53.4 artikuluak adierazten duen lan-harreman berezien aplikazio-eremuaren barruan ez dutenak, baita zaintzapeko askatasuneko egoeran daudenak eta preso ohiak ere. – Euskal Autonomia Erkidegoko agintaritza eskudunek baimendutako urgentziazko bizitoki-zentroetan ibili diren pertsonak. – Desgaitasuna dutenak. – Familia-erantzukizunak dituzten emakumeak. Familia-erantzukizunak dituzten emakume deritze beren kargura ezkontidea eta/edo 26 urtetik beherako seme-alabaren bat edo 26 urtetik gorako seme-alaba ezinduren bat edo harreran hartutako adin txikikoren bat dutenei, beti ere familia-unitateko kideen bataz besteko banakako errenta ez bada lanbide-arteko gutxieneko soldataren % 75 baino handiagoa. Agiri bidez behar bezala egiaztatu beharko dira aurreko baldintza horiek. – Genero-indarkeriaren biktima diren emakumezkoak. Kontratu-mota: Obra eta zerbitzua. Kontratuaren iraupena: 6 hilabete (lanaldiaren % 100) Lanean hasteko data: berehala Interesa duten pertsonek Lanbiden izena eman behar dute 2017ko azaroaren 3a baino lehen, hurrengo lan eskaintza zenbakian: 162017010355. Web orriaren bitartez ezin izango da eman izena. Informazio gehiago nahi izanez gero interesatuek 943-023802 (Lanbide) telefonora deitu beharko dute.
Iragarkia Transmisio eragilea behar du Bertsozale Elkarteak
Urtebeteko ordezkapen bat egiteko Transmisio eragilea behar du Euskal Herriko Bertsozale Elkarteak. Curriculum Vitaeak aurkezteko epea: 2017ko azaroaren 15a. Eskaintzen da: Kontratu mota eta ordutegia: obrako kontratua %100eko lanaldiz. Kontratuaren iraupena: 2018ko urtarrilaren 8tik 2018ko abenduaren 31era arte. Lan lekua: Subijana Etxea, Bertsozale Elkartearen egoitza (Amasa-Villabona). Lanpostuaren deskribapena: Urtean zeharreko ekimenok antolatzen jardungo du: Eskolartekoa, Bertso-udalekuak, Ahots Baten Sormen Egonaldia, EHko Bertso-eskolen Eguna, Bertso-eskolentzat hitzaldiak, Sormen Eskolak. Transmisio saileko batzordeok kudeatuko ditu: Bertso-eskolen Batzordea eta Aisialdi Batzordea. Ezinbesteko baldintzak: Lizentziatua edo diplomatua izatea hezkuntza alorreko ikasketetan. Transmisio alorrean lanean jardundakoa izatea. Eskarmentua izatea antzeko lanetan. Ordenagailu-programa ezberdinekin lan egiteko erraztasuna izatea. Baloratuko da: Lanpostuaren deskribapenean zehaztu diren proiektuetan jardundakoa izatea. Taldeen dinamizazioan duen esperientzia. Interesa duenak Curriculum Vitae-a bidali behar du Bertsozale Elkartera (transmisioa@bertsozale.eus), 2017ko azaroaren 15a baino lehen. Informazio gehiago behar izanez gero, idatzi mezu bat helbide horretara edota deitu Elkartera: (+34) 943 69 41 29.
Iragarkia MGEPeko Informazio Sistemetako Software Garapen taldean lankide berri baten bila gabiltza
MGEPeko Informazio Sistemetako Software Garapen taldean bete beharreko lanpostu bat dugu, eta hau beteko duen kidearen bilaketari ekin diogu. Gure arloan MGEP eta MUko beste fakultateentzako zerbitzuak ematen ditugu, eta lanpostu honetarako bilatzen duguna analista-programatzaile bat da. Zer eskaintzen dugu? Urtebeteko kontratua, azaroan hasita. Zer da bilatzen duguna? Lan egiteko eta ikasteko gogoz dagoen pertsona bat, talde-lanean aritzeko gai dena. Horretaz gain, hauek dira baloratuko diren hainbat gauza: Informatika alorreko ingeniaritza edo gradu titulua izatea Web programazioan esperientzia izatea, bereziki PHP lengoaiarekin Datubaseen ezagutza aurreratua izatea. Datubaseetan oinarrituriko garapenean esperientzia izatea. Euskara eta ingeles maila altua Hezkuntza erakundeetan lan-esperientzia izatea (Arlo hauetan esaiguzu zeintzuk diren ezagutzen dituzun erremintak, teknologiak, egindako lanak, etab.) Gure kide berria zu izan nahi baduzu, emaiguzu zure berri hurrengo helbidean: laneskaintza_is@mondragon.edu Hautagaiak jasotzeko epea 2017ko urriaren 24an bukatuko da, beraz interesaturik egonez gero bidali zure CVa lehen bai lehen!
Iragarkia Pisu/logela bila Hondarribi inguruan edo Donostian
Aupa! Ordezkapen bat egiten ari naiz Hondarribiko institutuan eta pisu edo gela baten bila nabil Hondarribi inguruan edo Donostian. Kontaktuan jartzeko: nahia_@hotmail.com Eskerrik asko, Nahia
Iragarkia object code Lan-deialdia Hezkuntza-teknikari postua betetzeko
Euskadiko Gazteriaren Kontseiluak (EGK) lan-deialdia zabaldu du Bilboko bulegoan Hezkuntza-teknikari postua betetzeko. Hautagaiek urriaren 6a arte izango dute epea egk@egk.org helbide elektronikora eskatutakoa bidaltzeko: emaileko gaian “Hezkuntza teknikaria”, curriculum dokumentua IzenAbizenak.CV_HEZKUNTZA.pdf/doc. izendatuta eta motibazio gutuna IzenAbizenak.GUTUNA_HEZKUNTZA.pdf/doc bezala izendatuta. Hauek izango dira prozesuan kontuan hartu izateko hainbat data: Curriculumen bidalketa, urriaren 6a arte (eguerdiko 12.00ak arte). Froga idatzia nork egin behar duenaren jakinarazpena, urriak 10ean. Froga Idatzia Bilbon, urriak 17. Elkarrizketa nork egin behar duenaren jakinarazpena, urriaren 23an. Elkarrizketa eguna, urriak 24ean. Lanean aritzeko hautatuaren jakinarazpena, urriak 25. Lanean hasteko data, azaroaren hasieran. Informazio gehiagorako http://egk.eus/wp-content/uploads/2017/09/Hezkuntza-deialdia-2017.pdf
Iragarkia Komunikazio proiektu desberdinetan aritzeko pertsona behar dugu
Eskatzen dena: Kazetaritza, komunikazio, publizitate edo marketin arloko ikasketak Komunikazio plan eta ekintzen garapenean eta exekuzioan esperientzia Komunikazio kanpaina desberdinen ardura eramateko gaitasuna Bezeroekin harremanak izateko erraztasuna eta gaitasuna Sare sozialen dinamizazioan ezagutza eta esperientzia Euskaraz jakitea Honako ezaugarriak oso kontuan izango dira: Lea-Artibai eskualdekoa izatea Multimedia alorrean lan egiteko gaitasuna: gidoigintza, bideo edizioa… Taldean lan egiteko gaitasuna Teknologia berriekiko ezagutza eta gertutasuna: webgintza, mugikorretako aplikazioak… Eskaintzen dena: Aldi baterako ordezkapena egiteko lan kontratua Lan talde gazte batean integratzea Lanpostuan interesa izanez gero, bidali curriculuma, curriculum@iametza.eus helbidera, irailaren 29a baino lehen, "komunikazioa" erreferentzia adieraziz.
bisitari