2011ko Udako Ikastaroak antolatzeko lanean hasi da UEU. UEUren Udako Ikastaroak ‘tradizio’ badira ere, urtero berriztu eta egokitu egiten ditugu. UEUren Udako Ikastaroetan ondoko balioak sustatu nahi ditugu:
- Lurraldetasuna: tokiko beharretara doitutako eskaintza izatea nahi dugu.
- Euskara: euskara hutsean lan egiten dugu.
- Kalitatea: euskaldunen etengabeko prestakuntzara egokitutako eskaintza da, esperientzia handiko profesionalek emandakoa.
- Diziplinartekotasuna: jakintza arlo ezberdinen elkarlanetik sortutako ezagutza berriak sustatzen ditugu.
- Komunitatea: komunitate zientifiko-intelektual euskaldunaren bilgunea ere izan nahi dugu.
Honetarako komunitate euskaldunaren elkarlana ezinbestekoa da eta parte hartzeko aukera ireki dugu.
2011ko Udako Ikastaroek ondoko ezaugarriak izango dituzte:
- Datak: 2011ko ekainaren 27tik uztailaren 22a bitartean.
- Tokiak: Eibar, Baiona eta Iruñean.
- Ikastaro laburrak: 10/15 ordutakoak, 2/3 egunetan ematekoak.
- Jarduna: goizez soilik edo goiz eta arratsaldekoa.
- Izaera: teorikoa, teoriko+praktikoa edo praktikoa.
- Aurrez aurre edo on line emateko aukera dago.
Proposamenak:
- Epea: 2011ko urtarrilaren 23a arte.
- Bidali beharrekoa: ikastaroaren gaia, behin-behineko izenburua eta tokia.
- Nora: ikastaroak@ueu.org helbidera.
- Proposamen guztiak aztertuko dira eta erantzun bat emango da.
- Antolaketa osoa gidatua da.
Deialdi hau UEUrekin lan egiteko interesa daukan edonori irekita dago.
Informazio gehiago:
Irati Iciar (Udako Ikastaroen arduraduna)
943 82 14 26
i.iciar@ueu.org