SAIO OSAGARRIA: Mahai-ingurua

Udako ikastaroetan formazioaz gain, gizarteari ekarpen egiten dioten zenbait saio antolatzen du UEUk. Aurten, baina, gainerako urteetako eskaintza zabala prestatzerik ez dugu izan. Hala eta guztiz ere, Gaindegiarekin batera mahai-inguru interesgarria antolatu dugu.

Baionako udako ikastaroak osatze aldera, mugaz gaindiko gogoeta planteatuko dugu: Zer behar du Iparraldeak Hegoaldetik? Zeintzuk dira lurraldeen arteko lankidetza harremanetarako eta gizarte alorreko zer proiektu dira bideragarri?

Guztira, hurrengo sei hizlariek osatuko dute mahai-ingurua:
Peio Olhagaray, Baionako Merkataritza Ganbara.
-Amaia Fontan, LAB Sindikatua.
-Michel Etchebest, Artzainak taldeko partaide eta Mauleko Auzapeza.
Mixel Berhokoirigoin, EHLGko Lehendakaria.
-Jean Michel Larrasquet, ESTIA Ingenieri Eskola.
-Jose Luis Aizpuru, Euskal Irratiak.

Saio irekia antolatu dugu. Hortaz, ikastaroetako parte-hartzaileak ez ezik, interesa duten guztiak gonbidatu nahi ditugu. Gainera, bertaratzen direnek galderak, iritziak eta kezkak azaldu ahal izango dituzte. 

        Data: Uztailaren 5ean, asteartea.
        Ordua: 17:00etan.
        Tokia: Baionako Unibertsitatea (IUT), Gaztelu Berria.

                                          Parte hartzea irekia.

Plazak libre Udako Ikastaroetan

UEUk antolaturiko 2011ko Udako Ikastaroak hasteko 4 egunen faltan, oraindik plazak libre ditugu hainbat ikastaroetan.

Ordenagailuz lagundutako itzulpengintza MS Word gabe: Wordfast Pro, Anaphraseus eta Omega T ikastaroak harrera itzela izan du gure ikasleengan
. Izen emateko epea martxan jarri eta oso azkar bete zen. Hori dela eta, bigarren saio bat prestatu dugu. Irakasgaia beraz, uztailaren 15ean errepikatuko dugu Eibarren goizeko 9etatik 14etara. Bigarren saio honetan oraindik matrikulatu daiteke.

Aurtengo Udako Ikastaroen eskaintza 35 ikastaroetako da. Guztiak arrakastatsuak izaten ari dira, baina oraindik batzuetan plazak libre daude. Interesgarri batzuk aipatzearren:
-Sormena garatuz hezkuntza abentura zirraragarri batera.
-Hizkuntzak, kulturak eta lurraldeak.
-Laugarren mundua. Herri indigenen nazioarteko ahalegina.
-Sexuen esanahia eta esan nahia.
-Elikadura modernoaren mito eta sineskeriak.
-Papiroflexia matematikan: ikasketa kinestesikoa.

Oraindik izena emateko aukera duzue. Ez itxaron eta MURGILDU zaitezte uda honetan gurekin!

Matrikula DOAN Udako Ikastaroetan parte hartzeko

UEUk antolaturiko Udako Ikastaroak hastear dauden honetan, diru laguntzen berri ematera gatoz. Izan ere, askoek jakingo ez duzuena da hainbat erakundek diru laguntza ezin hobeak ematen dituztela.

Bizkaiko Foru Aldundiak esaterako, bizkaitar unibertsitate ikasle eta unibertsitate ikasle ohi-langabetuei laguntza paregabea ematen die gure ikastaroetan parte hartzeko; MATRIKULA DOAN eta ostatu, mantendu eta joan-etorrien ehuneko ehuna ordaintzen die.

Donostiako bizilagunek ere badute laguntzarik. Donostiako Euskararen Udal Patronatuak
ematen duen diru laguntza bat da eta MATRIKULAREN ZENBATEKO OSOA ordaintzen du.

Bukatzeko, Udalek ere euren hazia jartzen dute herritarrek jakintza arloan konpetentziak zabaldu ditzaten. Euskal Herriko hainbat udalek ematen dituzte diru laguntzak. Eibarko Udalak adibidez, Eibarren egiten diren ikastaroetan parte hartzen duten eibartar guztiei MATRIKULAREN %50a ordainzen die. Horretaz gain, Baionako eta Iruñeako ikastaroak egiteko ere luzatzen dute laguntza; kasu honetan, ikasle eta langabetuei soilik.

Euskal Herriko beste Udalen informazio zehatzagoa jakiteko sartu helbide honetan.

Aitzakiarik ez dago beraz. Animatu gurekin MURGILTZERA!

Eskaintza berezia 39.Udako Ikastaroetan

UEUk antolatzen dituen 39.Udako Ikastaroen edizio honetan eskaintza berezia egitea bururatu zaigu. Horrela, hainbat ikastaroetan deskontua egingo da. Krisi garaia izanik, gure ikasleei baldintzak hobetzea pensatu dugu. Haatik, 9 ikastaroetan matrikulen prezioa erdira jeitsiko da.

Hauek izango dira %50eko deskontua aplikatuko zaien ikastaroak:

1) Elikadura
modernoaren mito eta sineskeriak.

2) Sormena
garatuz hezkuntza abentura zirraragarri batera.

3) Euskal
Herriko ahozko ondarea: bilketa, katalogazioa eta hedapena.

4) Haur
literaturako irudien eragina Haur Hezkuntzan.

5) Irakaslea
eszenan.

6) Papiroflexia
matematikan.

7)Yoga-teknikak
irakasleentzat.

8) Oreka
emozionalerako terapia naturalak.

9) Euskararekiko
sentsibilizazioan eta motibazioan eragiteko teknikak.

Eskaintza berezi hau soilik ekainaren 6tik 10era luzatuko da (arratsaldeko 16:00ak arte). Beraz, izen emateko jo ezazue gure webgunera. Animatu eta bizkor ibili!

*izena ematerako garaian deskontua aplikatuta dago jadanik.

GARATU ikastaroetako onartuen behin-behineko zerrenda

Garatu 2011/2012 planaren lehenengo txandako ikastaroetan onartuen behin-behineko zerrenda argitaratu zuen, atzo, Hezkuntza Sailak. Bertan, izena eman duzuen ikastaroetan onartuak izan zareten ikusi dezakezue.

Dakizuenez, lehenengo epealdia honetarako UEUk 5 ikastaro eskainiko ditu, eta gune hau aprobetxatu nahiko genuke, ikastaro hauek izan duten izen emate handia eskertzeko.

784 GIS libreen erabilera irakaskuntzan

788 Irakurketa-idazketaren nahasmenerako software propioa

789 Irakurketa-idazketaren nahasmenerako software propioa

790 Irakurketa-idazketaren nahasmenerako software propioa

911 Linuxera sarrera Ubunturekin

Bide batez, gogorarazi nahi dizuegu, plaza libreak dituzten ikastaroetan oraindik ere izena emateko aukera dagoela. Gure kasuan 784 GIS libreen erabilera irakaskuntzan  ikastaroan baino ez dira plaza libreak geratzen.

Beraz, adi ibili! Izena emateko Hezkuntza Saileko web gunera jo behar da: GARATU.

Informazio gehiago:
Ione Narbaiza Gallastegi
943 82 14 26
i.narbaiza@ueu.org

Iraia Oiarzabal: “Oso giro polita egoten da ikastaroetan, gertukoa”

Iraide Lejarretarekin batera, Iraia Oiarzabal dugu UEUko beste ikasle aurreratuenetako bat. 22 urteko gipuzkoarra Zumarragakoa da eta egun Kazetaritza ikasketak amaitzen ari da Leioan. 5 ikastaro osatu ditu gurean: Buru mapak eta Tantra Baionako iazko udako ikastaroetan,  azaroan harreman harmonikoa Eibarren eta aurtengo udaberriko ikastaroetan bi egin ditu; Jendaurreko komunikazioa eta Coaching pertsonala.

1) Nola izan zenuen ikastaro hauen berri (UEUren berri orokorrean)?
 
Lagun batek emandako eskuorri baten bidez izan nuen lehenengoz UEUren berri. Ikastaro interesgarriak zeudela ikusi, eta ordutik ohitura dut maiztasunez web-orrian begiratzeko eta eskaintzen berri izateko. Honela, udako ikastaroetan parte hartzea erabaki nuen aurreko urtean eta ordutik beste ikastaro batzuk ere egin ditut.

2) Zergatik matrikulatu zinen?

Oso ikastaro interesgarriak dira eta udan adibidez aukera ona zen geldirik ez egoteko. Uda ostean, komunikazioarekin zerikusia duten ikastaroetan zentratu naiz gehien bat, hirurak irakasle berdinarekin eta arlo berekoak. Gainera, nire ikasketekin badute nolabaiteko lotura eta bestela ere oso erabilgarriak direla uste dut.

3) Zein irizpideren arabera aukeratu dituzu ikastaro horiek?

Nire kasuan, komunikazioaren arloa asko interesatzen zait eta horren arabera egin ditut batez ere azken hiru ikastaroak. Hala ere, beste zenbait arlotakoak ere oso interesgarriak dira eta aurrera begira zenbait egitea gustatuko litzaidake.

4) Zure ikasketentzako baliagarriak dira?

Lehen aipatu bezala komunikazioarekin lotutako ikastaroak oso baliagarriak dira bai nire ikasketei dagokionez baita beste zenbait eremutan ere. Jendaurrean hitz egiteko gaitasunak garatzea oso garrantzitsua dela uste dut.

5) Zein ezberdintasun aurkitu dituzu ikastaro hauetan beste batzuekin konparatuta? Hauek soilik unibertsitate mailako pertsonentzat dira?

Egia esan, ikastaro hauetaz gain ez ditut askoz gehiago egin, baina hemen ikusitakoagatik esango nuke ez direla soilik unibertsitate mailako jendearentzat. Are gehiago, nik egindako ikastaroetan adin eta arlo desberdinetako jendea egon gara.

6) Zein iruditu zaizu ikastarorik interesgarriena?

Egindako azken hirurak oso interesgarriak iruditu zaizkit eta horien artean aukeratzea zaila da baina nik uste “Jendaurreko komunikazioa”-ren ikastaroa dela gehien gustatu zaidana eta oso baliagarria dela uste dut. Bestalde, lehenengo moduloa “Harreman harmonikoa” eta laugarrena “Coaching” ere oso politak iruditu zitzaizkidan.

7) Nolako giroa egoten da ikastaroetan?

Oso giro polita egoten da, gertukoa. Azken finean ordu dexente ematen ditugu elkarrekin eta giro ona egotea garrantzitsua izaten da.

8) Gomendagarriak dira?

Bai, zalantzarik gabe. Nik ere web-orria begiratzen jarraituko dut interesgarriak iruditzen zaizkidan ikastaro berriak egiteko!

9) Arloren batean sartuko zenituzke berrikuntza gehiago?

Nik egia esan arlo berdinak jorratzen ditut gehienetan; komunikazioa eta psikologia eta bi hauek oso ongi daudela iruditzen zait.

Iraide Lejarreta: “Denbora librea aprobetxatu behar da, formakuntza beharrezkoa da eta UEUko ikastaroek laguntzen dute”

Iraide Lejarreta 21 urteko basauritarra da eta Zientzia Politikoak ikasten ditu Leioan. Unibertsitateko ikaslea izateaz gain, UEUko ikasle esanguratsuenetariko bat dugu. Izan ere, iazko udaratik, 5 ikastaro egin ditu gurekin; Buru mapak, Tantra, Harreman harmonikoak (I), Jendeaurreko komunikazioa (III) eta Coaching pertsonala.

Udarako ikastaroetan parte hartzen hasi zen, baina urtean zehar eskaintzen ditugun ikastaroetako partaide ere izan da. Cum Laude ikasle honi eginiko elkarrizketa duzue honako hau.

iraide lejarreta

1) Nola izan zenuen ikastaro hauen berri (UEUren berri orokorrean)?
UEUren berri unibertsitatean hastean izan nuen. Euskal unibertsitatearen aldeko ekimen desberdinetan parte hartu nuen eta bertan ezagutu nuen; UEUk euskal unibertsitatearen alde lan egiten baitu. Hala ere, ikastaroen berri irakasle batengatik izan nuen. Kurtsoa bukatu baino arinago udako-ikastaroen eskuorri bat eman zigun ikasle bakoitzari eta agertzen ziren ikastaro batzuk interesa piztu zidaten.

2) Zergatik matrikulatu zinen?

Uste dut denbora librea aprobetxatu behar dela, ondo dago uda izatea eta denbora guzti hori deskantsatzeko erabiltzea, baina horrek ez du kentzen ahal dugun heinean gure karreratik aparte formakuntzan jarraitzea. Ikusirik ikasleak izanda ez dugula denbora asko gauza berriak ikasteko, hots, ikastaro luzeagoetan matrikulatzeko, ideia ona iruditu zitzaidan UEUko ikastaroetan matrikulatzea. Hezkuntza ez da bakarrik unibertsitatean irakasten dizutena, are gehiago, uste dut hezkuntza mota hori nahiz eta kurrikulumean garrantzitsuena izan, gure bizitza eta formakuntzan parte txiki bat dela, eta unibertsitateak irakasten digunaz gain bizitzan gauza asko ikasi behar direla. Nire uste bizitza osoan formakuntza prozesu baten egon behar gara eta ez da sekula karrera bat amaitzen dugunean bukatzen.

3) Zein irizpideren arabera aukeratu dituzu ikastaro horiek?
Lehenik eta behin udako ikastaroetan matrikulatu nintzen. Hasieran buru mapak eta errezilientzia ikastaroetan matrikulatu nintzen baina errezilientzian ez zen taldea sortu eta ikusirik Baionan egon behar nintzela, beste ikastaro bat egiteko aprobetxatu nuen eta tantra ikastaroa egin nuen.
Buru mapak, ideiak sortu eta antolatzeko teknika da eta nire ikasketetarako eta bizitzarako oso baliogarria izan zitekeela pentsatu nuen. Bestalde, errezilientzia momentu txarretatik indartsu ateratzeko teknikak dira eta hau bizi garen mundu eta herri honetan ondo etorriko zitzaidala pentsatu nuen. Talderik sortu ez zela esan zidatenean penarekin geratu nintzen, eta oraindik espero dut beste saiakeraren bat egitea.
Ikusita udako ikastaroak oso onak izan zirela eta oso ondo pasatu nuela, kurtsoan zehar UEUko web gunera sartu eta aprobetxagarriak ziren ikastaroak topatu nituen eta hor agertu zen harreman harmonikoak. Web gunean bertan zeri buruzkoa zen agertzen zen eta gatazkak dauden harremanetan harreman harmoniko bat sortzeko teknikak ziren. Hau izugarria iruditu zitzaidan, ezinezkoa egiten zait kontatzea gure bitzitzan zenbat gatazka izan ditugun lagunekin, familiarekin, irakasleekin, bikotearekin… eta matrikulatu egin nitzen ea teknika majiko bat ematen zidaten gatazkak konpontzeko.
Egin ditudan beste ikastaroak harreman harmonikoaren jarraipenak dira; hau lehengo modulo da eta nik hirugarrena eta laugarrena ere egin ditut, jendaurreko komunikazioa eta coaching pertsonala.

4) Zure ikasketentzako baliagarriak dira?
Ikastaro batzuk baliagarriak izan zaizkit nire ikasketentzat, adibidez, buru mapak eta jendaurrean hitz egiteko teknikak. Hala ere, nik ez diot garrantzirik ematen ea ikastaro hauek nire karreran baliagarria izan diren edo ez. Garrantzia gehiago ematen diot nire bizitza pertsonalean eta asetasun pertsonalean izan duten garrantziari.

5) Zein iruditu zaizu ikastarorik interesgarriena?
Ba egia esan  zaila egiten da bat aukeratzea, denetatik hartzen duzu zeozer zure egunerokotasunean erabiltzeko. Baina zeozer esatekotan jendaurreko komunikazioa eta coaching pertsonala esango nuke.

6)Nolako giroa egoten da ikastaroetan?
Taldeak oso txikiak izaten dira eta horrek giro ezin hobea egotera laguntzen du. Gainera metodologia oso egokia da eta parte hartzea asko ahalbideratzen du. Horrek ere nola ez, ikastaroko ikasleen artean gehiago ezagutzea ekartzen du.

7) Gomendagarriak dira?

Dudarik gabe! Ikastaro laburrak dira, dibertigariak eta asko ikasten da.

8) Arloren batean sartuko zenituzke berrikuntza gehiago?
Egia esan nire ikasketen ikuspuntutik esanda ez dago ia ikastarorik, nik zientzia politikoak ikasten ditut eta horren inguruan ez dago saiorik.

Aurtengo udako ikastaroetan baditugu
politika alorreko bi gai; “Euzkadi euzkotarron aberria da? Euskal identitatearen hausnarketa XXI.mendearen hasieran” eta “Laugarren mundua. Herri indigenen kanpo-ekintza nazioarteko aldaketa-eragile”. Ea guztion atseginekoak diren!

GARATU programaren baitan 2011/12 ikasturterako ikastaro berrien eskaintza

Hezkuntza, Unibertsitate eta Ikerketa Sailak baimendutako Unibertsitateaz kanpoko ikastetxeetarako irakasleentzat zuzenduriko GARATU programan izena emateko lehenengo epea zabalik dago jadanik. 2011/2012 ikasturterako hainbat ikastaroen eskaintza aurkeztu da eta horietatik 16 UEUren eskutik jaso daitezke.

Lehenengo epealdian izena emateko azken data maiatzaren 20an amaitzen da, adi beraz interesatuok! Izena emateko Hezkuntza Saileko web gunera jo behar da: GARATU.
Jarraian, UEUk antolaturiko ikastaroen inguruko informazioa jaso dezakezue.

1. epea: 2011ko uztaila, abuztua, iraila eta urrian egingo diren ikastaroak

Izen emateko epea: 2011/05/09 – 2011/05/20

784 GIS libreen erabilera irakaskuntzan

788 Irakurketa-idazketaren nahasmenerako software propioa

789 Irakurketa-idazketaren nahasmenerako software propioa

790 Irakurketa-idazketaren nahasmenerako software propioa

911 Linuxera sarrera Ubunturekin

2. epea: 2011ko azaroa eta 2012ko ekaina bitartean egingo diren ikastaroak
Izen emateko epea: 2011/09/05 – 2011/09/23

016 Hezkidetzan hezten

018 Kantuz eta haur poesiaren bitartez komunikazioa landuz

051 Baliabide pedagogiko hezkidetzaileak: jostailuak, jolasak eta ipuinak

052 Baliabide pedagogiko hezkidetzaileak: jostailuak, jolasak eta ipuinak

058 Arte Hezkuntza: musikaren baliabide tekniko eta espresiboak

069 Web 2.0-.Oinarrizko aplikazioak HPBak dituzten ikasleekin gela arruntean
erabiltzeko

183 Zientziaren dibulgazioa gelan: Zientzia, Sasizientzia eta Pazientzia

263 Google Earth eta Google Maps, zientzia-hezkuntzarako tresnak digitalak

347 Ikastetxean pertsonekin lanean

407 Hizkuntzak, kulturak eta lurraldeak

463 Nerabeekiko lana irakaskuntzan, deabru ttipi, aingerutxo eta beste biktima batzuk

Informazio gehiago:
Ione Narbaiza Gallastegi
943 82 14 26
i.narbaiza@ueu.org