Estrasburgoko Auzitegia: giza eskubideen babeserako tresna. Hitzaldia.

Baionako U42. Udako Ikastaroen barne azken denboraldian gure artean hain ezaguna den Giza Eskubideen Europako Auzitegiari –Estrasburgoko Auzitegia bezala ezagunagoa denari – buruzko hitzaldia izango dugu uztailaren 9an. Hitzaldian Joana Falxa, Zuzenbidean lizentziatuak, eta Amaia Izko, abokatuak, parte hartuko dute.

Hitzaldia irekia da, doanekoa, gaian interesa daukan edonori zuzendua, baina aurrez izena eman behar da (web gunetik).

Argazkia: Mathieu Nivelles

Argazkia: Mathieu Nivelles

Hona hitzaldiaren nondik-norakoak Joana Falxa antolatzailearen hitzetan:

Giza eskubideen Europako auzitegiaz bi hitz

Euskal Herritar eta euskal talde edo elkarte ezberdinek aspaldi honetan ezagutzen dugu Giza Eskubideen Europako Auzitegia. Estatu mailako auzitegien aurrean eskubideen babesa lortu ezinean, Estrasburgora jotzeko ohitura hartua dugu. Gaur egun, Europako Estatuen eskutik eskubideen urraketa bat bizi duen pertsona orok dauka, teorian gutxienez, Giza Eskubideen Europako Auzitegiaren babesa eskatzeko aukera. Baina bestalde, auzitegi honen aurrera iristeko bideak eta moduak nahiko ulergaitzak gertatzen dira askorentzat. Are gehiago, ezagunak dira tortura eta tratu txarren inguruan hartutako jarrerak, edota alderdien legearen inguruko erabaki gatazkatsuak, baina hauen atzean dagoen ibilbide jurisprudentziala erabaki soil horietatik askoz haratago doa. Horrez gain, hainbat eskubideen inguruan doktrina eta ikuspegi aurrerakoiak garatu ditu Giza eskubideen Europako auzitegiak: transexualen eskubideen arloan, justizia munduko eskubideen arloan, kartzeletako bizi baldintzen arloan, etb.
Zuzenbidearen atal berezi honen ezagutzeko aukera gutxi izaten da zuzenbide ikasketa urteetan, nahiz eta gaur egun eskubideen babeserako giza eskubideen Europako zuzenbidea tresna garrantzitsua – eta batzuetan ezinbestekoa – bilakatu den. Aukerazko ikasgaia izaten da gehienez jota, eta batez ere modu teorikoan lantzen da. Honez gain, giza eskubideen zuzenbidea euskaraz lantzeko paradak nahiko urriak dira.
Horretaz, gai berezi honi gerturatzeko aukera eskaintzen du uztailaren 9an UEUren Udako Ikastaroen baitan Baionan antolatutako hitzaldi batek: gaiaren oinarriak jorratuz, auzitegiaren aurrera iristeko baldintzak azalduz eta adibide zehatzak erabiliz, modu sintetiko batean Europako giza eskubideen zuzenbidea aurkezteko xedea izango du hitzaldiak. Bertan, Amaia Izko abokatuak Parot doktrinaren aurka eramandako ibilbide eta estrategia azalduko du, esperientzia zuzenaren gehigarriarekin. Gonbita luzatua zaie beraz zuzenbide arloko ikasle eta profesionalei, baina baita ere beste edozein herritarri, uztailaren 9an, Baionako ikastaroen baitan egingo den “Giza Eskubideen Europako Auzitegia, erronka berriei aurre egiten” hitzaldira gerturatzeko.

Informazio gehiagorako eta izena emateko: Giza Eskubideen Europako Auzitegia, erronka berriei aurre egiten.

Udako hitzaldi-sorta ekainean. ‘Dakiguna erakutsiko dizugu’ Bilbo, Baiona eta Iruñean.

42. Udako Ikastaroen aitzakian eta tokiko eragileekin elkarlanean, UEUk 2014ko ekainerako hitzaldi-sorta bat antolatu du ‘Dakiguna erakutsiko dizugu‘ izenburu orokorraren pean.

Bilbon
Zenbat Gara elkartearekin lankidetzan.
Tokia: Bilboko Kafe Antzokian.

  • Ekainak 10 — Ordua: 10:30etan — Hitzaldia: Euskaldunok eta telebista: potentzialtasunak eta errealitateak XXI. mendean. — Hizlaria: Xabier Landabidea, Euskal Gaien Institutua, Deustuko Unibertsitatea, UEUkidea. Hemen duzue Xabierrek hitzaldian erabilitako aurkezpena.
  • Ekainak 11 — Ordua: 11:30 — Hitzaldia: Espioitza masiboa egiten digute, zergatik ote? — Hizlaria: Jesus Ibañez, UPV/EHUko irakaslea.
  • Ekainak 11 — Ordua: 16:30 — Hitzaldia: Eta bat-batean… gorputza (gorputzak, gorpuzkerak eta gorputzaldiak) bertsolaritzan. — Hizlaria: Uxue Alberdi, kazetaria, idazlea eta bertsolaria.
  • Ekainak 24 — Ordua: 18:30 — Hitzaldia: Elikadura burujabetza, zer da, ze aukera daude eta nola bideratu Euskal Herrian. — Hizlaria: Marijo Imaz, Nafarroako Unibertsitate Publikoa.

Iruñean
Katakrak elkartearekin lankidetzan.
Tokia: Katakrak elkartearen egoitzan.

  • Ekainak 16 — Ordua: 19:00 — Hitzaldia: Poesia feminismotik irakurtzen. — Hizlaria: Kattalin Miner, kazetaria eta militante feminista.
  • Ekainak 26 — Ordua: 19:00 — Hitzaldia: Gorputz jipoituak genero indarkeriaren  sinedoke. — Hizlaria: Gema Lasarte, UPV/EHUko irakaslea.

Baionan
Elekatu/Elikatu eta Baionako Euskal Museoarekin lankidetzan.
Tokia: Euskal Museoan.

  • Ekainak 19 — Ordua: 18:30 — Hitzaldia: Gerra propaganda Lehen Mundu Gerran: Raemaekersen marrazkiak. — Hizlaria: Ismael Manterola, Arte Historian doktorea, UPV/EHUko irakaslea, UEUko kidea.

Hitzaldi guztiak irekiak eta doanekoak dira, ez da aurretik izena eman behar. Plazak, aforoa bete arte.

Informazio gehiago:

Irati Iciar (Udako Ikastaroen arduraduna)

943 82 14 26

i.iciar@ueu.org

.

 

Ireki da 42. Udako Ikastaroetan izena emateko aukera.

UEUren 42. Udako Ikastaroetan izena emateko aukera ireki berri dugu!

Gaurtik uztailaren 13a arte Udako Ikastaroetan izena emateko aukera irekita egongo da, baina ikastaroak hasi baino astebete lehenago hasiko gara izen ematea ixten.

Prezioak eta diru-laguntzen informazioa gure web gunean aurkituko duzue.  Gogoratu UEUkide matrikulan %25eko deskontua daukagu.

Talde txikiak hobesten dira (gehienez 15 pertsona), interesa baduzu ahalik lasterren izena ematea gomendatzen dizugu, taldeak bete egiten baitira!

Ikastaroei buruzko informazio eguneratua:

Eskuratu hemen 42. Udako Ikastaroen eskuorria:  42UdakoIkastaroak

Informazioa:

Irati Iciar

943 82 14 26

i.iciar@ueu.org

azala

2014ko Udako Ikastaroak antolatzen hasiko gara.

2014ko Udako Ikastaroak antolatzen laster hasiko gara, urte berriarekin hain zuzen.

40+1. ikastaldi arrakastatsuaren ondoren, indarberrituta eta gogotsu ekingo diogu hurrengo Udako Ikastaroen antolaketari. Zuen parte hartzea ezinbestekoa da eta horretarako proposamenak bidaltzeko deialdi irekia egiten dugu.

Hona 2014ko Udako Ikastaroen ezaugarriak:

  •     Datak: 2014ko ekainaren 30etik uztailaren 23ra.
  •     Tokiak: Eibar, Baiona eta Iruñean.
  •     Formatua: tailerrak, ikastaroak, hitzaldiak, gogoeta guneak, mintegiak, jardunaldiak…
  •     Iraupena: 10/15 ordutakoak, 2/3 egunetan ematekoak.
  •     Jarduna: goizez soilik edo goiz eta arratsaldekoa.
  •     Izaera: teorikoa, teoriko+praktikoa edo praktikoa. Praktikoak hobesten dira.

Proposamenak bidaltzeko:

  • Epea: 2014ko urtarrilaren 1etik 31ra.
  • Bidali beharrekoa: ikastaroaren gaia eta behin-behineko izenburua, datak eta/edo tokia.
  • Nora: i.iciar@ueu.org helbidera.
  • Proposamen guztiak aztertuko dira eta erantzun egingo da.
  • Antolaketa osoa gidatua da.

Deialdi hau UEUrekin lan egiteko interesa daukan edonori irekita dago.

42. urteurrenerako zuen proposamenak ongi etorriak izango dira!

Edonolako galdera, zalantza edo iradokizunik izanez gero, idatzi edo deitu lasai.Kontaktua: Irati Iciar, 943 82 14 26, i.iciar@ueu.org

Baionako Udako Ikastaroak

UEUren 40+1 Udako Ikastaroak Baionan uztailaren 10etik 12ra bitartean egongo dira, hona ikastaroen zerrenda:

 

Informazio osagarria:

Izen ematea irekita ikastaroa hasi baino astebete lehenago arte.

Informazio gehiago:

Irati Iciar (Udako Ikastaroen arduraduna)

943821426

i.iciar@ueu.org

.

2013ko Udako Ikastaroetarako proposamenak bidaltzeko aukera ireki da

40. ikastaldi arrakastatsuaren ondoren, indarberrituta eta gogotsu ekiten diogu hurrengo Udako Ikastaroen antolaketari. Zuen parte hartzea ezinbestekoa da eta horretarako proposamenak bidaltzeko deialdi irekia egiten dugu:

Hona 2013ko Udako Ikastaroen ezaugarriak:

  • Datak: 2013ko uztailaren 1etik 24ra
  • Tokiak: Eibar, Baiona eta Iruñean.
  • Formatua: tailerrak, ikastaroak, hitzaldiak, gogoeta guneak, mintegiak, jardunaldiak…
  • Iraupena: 10/15 ordutakoak, 2/3 egunetan ematekoak.
  • Jarduna: goizez soilik edo goiz eta arratsaldekoa.
  • Izaera: teorikoa, teoriko+praktikoa edo praktikoa. Praktikoak hobesten dira.

Proposamenak bidaltzeko:

  • Epea: 2013ko urtarrilaren 31a arte jasoko dira.
  • Bidali beharrekoa: ikastaroaren gaia eta behin-behineko izenburua, datak eta/edo tokia.
  • Nora: i.iciar@ueu.org helbidera.
  • Proposamen guztiak aztertuko dira eta erantzun egingo da.
  • Antolaketa osoa gidatua da.

 

Deialdi hau UEUrekin lan egiteko interesa daukan edonori irekita dago.

40+1. urteurrenerako zuen proposamenak ongi etorriak izango dira!

 
Informazio gehiago: Irati Iciar (Udako Ikastaroen arduraduna),  943 82 14 26 edo i.iciar@ueu.org

40 urte zientzia loratzen

Lau hamarkada bete dira lehenengo Udako ikastaroak antolatu zirenetik. 40 urte zientziaren arlo desberdinak unibertsitatean euskaraz irakasten, ikasten, hausnartzen, jendarteratzen direnetik.

Urteurrena ospatzeko, duela 40 urte bezala, Baiona aukeratu du UEUk. Ekitaldian bete egin da Baionako Euskal Museoko Aretoa: Euskalgintzako jendea, agintariak, euskaltzainak, kazetariak, UEUko ordezkariak… Denak hizlariei adi-adi eta urte luzeetako lanari memorian errepasoa eginez.

Karmele Artetxe UEUko zuzendariak hartu du lehenengo hitza. “Lau hamarkadetan euskara eta unibertsitatearen alde lanean”, hasi du aurkezpena. “Hemen hasi zen dena”, aipatu du, “Baionako kultur asteetan”. Karlos Santamariak proposatu zuen Euskal Unibertsitatea sortzeko premia. Horregatik, 1973. urtean lehenengo aldiz antolatu ziren Udako Ikastaroak. Euskaltzaindiaren babesa ere eduki zuten ikastaroek.

Erakundeek urteurrenik ez dutela ospatzen azpimarratu du Artetxek sarreran, diru laguntza publikoen murrizketa salatuz. Eusko Jaurlaritzaren laguntza izenduna kendu zaio aurten UEUri, eta beste diru laguntzak murriztu.

Artetxek UEUren oinarri izan den Jean Haritxelar euskaltzainari eman dio hitza. Begirada dotorea bota die Haritxelarrek hasierako urteei. Lehenengo ikastaroak Donibane Lohitzunen antolatu ziren eta han 90 ikasle eta 20 irakasle inguru elkartu zirela gogoratu du euskaltzainak, “denak, euskara hutsez jarduten”. Gure hizkuntzan geografia, matematika, literatura eta beste hainbat eta hainbat zientzia alor ikasten eta hausnartzen. “Klaseak eman behar zirela eta euskaraz bakarrik, hori zen gure xedea”, azaldu du Haritxelarrek.

Bigarren urtean, 1974ean, “jende gehiago” hurbildu zen Donibane Lohitzunera. “Gazteria gose zen”, definitu du Haritxelarrek. Gero Ustaritzeko Landagoenera joan zirela gogoratu du eta askoz ikasle gehiago joan zela barnetegi gisako leku hartara. Bere hitzaldi batean 400 ikasle inguru bildu zirela gogoratzen du euskaltzainak. “Horrela ematen genion euskarari behar zuen maila”, bota du bukatzeko.

Haritxelarren ostean Eneko Bidegain kazetariak eta Mondragon Unibertsitateko irakasle eta UEUkideak hartu du hitza.

Bidegainek “katebegi” gisa definitu du Udako Euskal Unibertsitatea. “Hainbat katebegiko kate batek lotzen gaitu, eta belaunaldiak, eskuz esku goaz aitzina, euskarari, euskal ikasketei eta euskarazko jakintza arloari etenik eman gabe”, azalu du irakasleak.

UEU euskarak “gizarte honetako arlo guztietarako balio duela erakusteko adibide garbia” dela azaldu du bere hitzaldian. “UEU euskal komunitate zientifikoaren eta euskal unibertsitate munduaren topagune atsegina da”, gaineratu du. “Hor elkartzen gara ikasleak, irakasleak, arlo batekoak, bestekoak, elkar ezagutzen dugu, jakintzak elkartrukatzen ditugu, giro onean, zientzia buruan eta euskara bihotzean”.

Bere tesia amaitu berri, Gaztelu berrian “oren anitz” iragan duela azaldu du Eskualduna astekaria ikertzen. Orduan sortu zen astekariaren idazleak duela ehun urte “gazteluko pareta haien artean” ibiliko zirela aipatu du, eta “plazer handia” ematen diola eraikin haietan, orain, “gerlara joanen ziren militarrak prestatzeko ordez, euskararen inguruko jakintza sakontzen ari garela ikusteak”.

Lehenera eta orainera begiratu ostean, etorkizunera saltotxoa eman du Bidegainek bere irakasle paperean jarrita. “Hunkigarria da ikustea biharko ikerlariak prestatzen ditugula”, azaldu du.

“Katebegiz katebegi, kate luze bat osatzen ari da euskal jakintza”, biribildu du bere hitzaldia. “UEU hor dagoen bitartean eta UEUren inguruan euskaraz ikertu eta pentsamendua sortzen dutenak dauden bitartean, euskara biziko da”, amaitu du.

Hitzaldiak egon diren bitarte guztian Asisko Urmeneta marrazkilaria UEUren 40 urteak iruditara eramaten aritu da, paper zuri luze batean. Biñeten antzera, urteka-urteka, irudiak sortu ditu, UEUn egondako pasadizoak kontatzeko. Gertaerak dotore azalduta ikusi ahal izan dira aurrean, beti ere, umore ukitu itzelarekin. Azkenean 40 urterena ez, baina 2000. urtera artekoa egin du Urmenetak, eta amaitu duenean, “ea norbaitek bere burua ezagutzen duen” bota du proposamena. Publikoan zeuden batzuek gogoan zituzten gertaeran, barreek adierazi dutenez.

40. Udako Ikastaroak – izen ematea irekita!

UEUk 40. Udako Ikastaroetan 40 ikastaro eskaintzen ditugu aurten. Urteurren gazi-gozoa da aurtengoa eta Udako Ikastaroetan egoera hori guztion artean gainditzeko pausuak emango ditugu!

Hauek dira aurten eskaintzen ditugun ikastaroak, tokiaren arabera antolatuak:

Eibarren, Markeskoa Jauregian, ekainaren 26tik 29ra:

Baionan, Baionako Unibertsitatean, uztailaren 4tik 6ra:

Eibarren, Markeskoa Jauretxea, uztailaren 9tik 13ra:

Iruñean, Jaso Ikastolan, uztailaren 16tik 18ra:

 

Izen ematea irekita!

Izen ematea eta informazio guztia, web gunean: www.ueu.org

 

Informazio gehiago:

Irati Iciar

943 82 14 26

i.iciar@ueu.org

 

Ezagutu MS Word behar ez duten itzulpen-tresnak.

Azken urteetan ordenagailuz lagundutako itzulpen-tresnen erabilera areagotu egin da, ezinbesteko tresna bihurtzeraino. Ikastaro honetan, ordenagailuz lagundutako itzulpen-tresnen artean, Microsoft Wordetik kanpo dauden aukera batzuk aztertuko dira.

UEUk Ordenagailuz lagundutako itzulpena MS Word gabe: Wordfast Pro, Anaphraseus eta OmegaT ikastaroa antolatu du:

Ikastaroa arrakasta handiz egin da aurten Udako Ikastaroetan Eibarren eta horregatik Baionan beste saio bat egitea erabaki du UEUk.
Hona informazio osagarria:

Izen ematea zabalik!

Informazio gehiago:
Joseba Manterola
05 59 25 60 56 (hegoaldetik 00 33 559 25 60 56)
iparraldea@ueu.org

Nola bihurtu ditzakegu gatazkak positibo?

Gatazka eguneroko bizitzaren parte da. Etxean, lanean, ikastetxean… gizarteko edozein leku eta egoeretan, egunero, egin behar izaten diegu mota guztietako gatazkei aurre. Gatazka txiki zein handiak izaten ditugu bizitzan zehar. Eta gatazka horiek kudeatzeko bideak ere anitzak izan daitezke, eta beraz, baita gatazka horien ondorioak ere.

Nola bihurtu ditzakegu gatazkak positibo? Nola lortu ditugun gatazkak bortitzak eraikitzaileak izatea?

UEUk Gatazkak bideratzeko estrategiak ikastaroa antolatu du.

  • Helburuak: gatazkei erantzun egokia emateko tresnak landuko dira: haserrearen
    kontrola, modu asertiboan jokatzeko teknikak, bitartekaritzarako
    pausuak… Horrez gain, eskola jazarpena eta ziberbullynga ere landuko
    dira, hauen prebentziorako zein konponbiderako gakoak landuko dira.
  • Metodologia: praktikoa.
  • Irakaslea: Aintzane Gascon, DBHko irakaslea eta Berako Toki-Ona institutuko Bizikidetza Batzordeko arduraduna.
  • 12 ordu.
  • Datak: abenduak 3 eta 10 (bi larunbat)
  • Baionan, Baionako Unibertsitatea IUT.

Matrikulazioa zabalik!

Informazio gehiago:
Joseba Manterola
05 59 25 60 56 (hegoaldetik 00 33 559 25 60 56)
iparraldea@ueu.org