Iñigo Zendegi Urzelai: “Besteen esperientziaz asko ikasten da, eta giro atsegina dago Moodlemoot Euskadin”

Mondragon Unibertsitateko Goi Eskola Politeknikoko Iñigo Zendegi Urzelaik urtero parte hartzen du Moodlemoot Euskadi jardunaldietan eta datorren urriaren 20an Pecha-kuchaz gain tailerra ere aurkeztuko du.

Zerk eraman zaitu aurtengo Moodlemoot Euskadin parte hartzera?
Moodle inguruan dabilen euskal komunitatea ezagutu nuenetik jardunaldi hauek direlako aldiro elkartzeko aukerarik onena; besteen esperientziaz asko ikasten delako, baita dagoen giro atsegina eta ezagutzen den jendeagatik ere. Azken 10 urteetan urtero parte hartu dut eta batzuetan zerbait aurkeztu ere bai, komunitate batetik asko jasotzen duzunean zure aletxoa ere jarri behar duzula uste dudalako.

Zer da  aurkeztuko duzuna?
Aurten Pecha-Kucha bat eta tailer bat egingo ditut. Pecha-Kuchan Moodle euskaraz komunitatea aurkeztu eta komunitatean parte hartzeko gonbidapena luzatuko dut, azken urteetako lana erakutsiz eta parte hartzeko moduak azalduz. Tailerra Learning Analytics kontzeptuaren ingurukoa izango da. Kontzeptuaren atzean zer dagoen azalduko dut, eta Moodle-n baitan egin daitezkeen gauza erraz batzuk erakutsiko ditut. Horretaz gain, Mondragon Unibertsitatean egindako proiektu baten adibidea erakutsiko dut, kontzeptu hau aplikatzeko ildo bat erakusteko. Bukatzeko tailerrera datozenekin batera ildo honetan etorkizunean etorri daitezkeen berrikuntzak iragartzen saiatuko gara.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude