Utzikeria

Ez dakit zenbat denbora pasa den azken aldiz idatzi nuenetik. Lotsagatik ez dut begiratuko badaezpada.


Gauza asko pasa dira ordutik, euri asko egin du. Gaur ari duena baino gehiago. Leioako kafetegia itxi dute, dirudienez betirako. Ni ere ez naiz unibertsitatera azaltzen eta ez karrera bukatu dudalako, izan ere Andoaingo Zine eta Bideo eskolan hasi naiz ikasten eta asistentzia derrigorrezkoa denez ezin du Leioara azaldu.


Kazetaritzak azken boladan dezepzio txikiak eman zizkidan eta horregatik erabaki nuen Andoainen ikasten hastea. Oso gustora nabil, lehenago ez hasi izana ere damutu zait. Baina atzera egiterik ez dagonez ez naiz negarrez hasiko.


Utzikeriagatik eta bizitzako aldaketengatik ez dut denbora luzez idatzi. Berriz hasteko ez da inoiz berandu eta txoko honek gogoraraziko dit kafetegi batean ordu asko pasatakoa naizela klasekideekin eta utzikeriagatik askotan ez ginela klasetara azaltzen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude