Informatikari Euskaldunen Bilkura http://www.unibertsitatea.net/blogak/ieb_07 Aurkezpen batzuk hemen http://www.unibertsitatea.net/blogak/ieb_07/laster-aurkezpenak-hemen (ueu365 blogetik hartutako informazioa)
- web 2.0 sarrera. Testua. Joxe Arantzabalen bloga: faroa
- Interneten izaera aldatzen ari diren formatu eta mikroformatuak. Gorka Julio: mikromundua, teketen
- Euskara interneteko 36. hizkuntza. Garikoitz Araolazaren bloga[bideo laburpena]


- euskajakintza:2.0 irakaskuntzan. Maite Goñi. Euskaljakintzaren bloga. IKTeroen bloga
- TOLOSALDEA eta pantailaren atzealdeko estrategia. Iñigo Balerdi
- Zabaldu.com albistegi kolektiboa. Arkaitz Zubiaga
- Tagzania eta blogak: bi adibide praktiko. Josu Azpillaga (Tagzania, blogak.com)

- Ikasys. Naiara Maya eta Ainara Urrutia
- IMK: Itzulpen memoriaren komunitatea. Ibon Aizpurua
- CorpEus eta EusBila, amarauna euskarazko corpus erraldoi gisa kontsultatzeko tresnak. Igor Leturiaren bloga: e-gor
- Matxin: gaztelianiatik euskarara itzultzeko teknologia software librean. Aingeru Mayor eta Mikel Lersundi. matxin.

- Euskalerria 2.0. Iratxe Esnaola [bideo laburpena]
- Web garapenaren arinerako tresnak: AJAX, Ruby on Rails eta MVC paradigma. Jatsu Argarate

Mahai ingurua:
- Internet 2.0 hemen eta munduan
    * Aitor Soroa
    * Eneko Astigarraga. prospektiba
    * Patxi Gaztelumendi

]]> ieb07 aurkezpenak hizlariak http://www.unibertsitatea.net/blogak/ieb_07/laster-aurkezpenak-hemen#comments bilkura_07 Mon, 14 May 2007 17:26:35 +0200 Jarraipena http://www.unibertsitatea.net/blogak/ieb_07/jarraipena twitter bidez egingo da. Ondoren jendeak egindako ekarpenak lotzen joango gara.

Popatxat (backchannel): hitz egin IEB07n daudenekin.
Mutilmedia.com: jarraipena zuzenean
Sustatu.com: jarraipena zuzenean
]]> jarraipena ieb07 twitter http://www.unibertsitatea.net/blogak/ieb_07/jarraipena#comments bilkura_07 Thu, 10 May 2007 09:25:12 +0200 Nola iritsi ekitaldira http://www.unibertsitatea.net/blogak/ieb_07/nola-iritsi-ekitaldira Non: Donostiako teknologi elkartegiko eraikin nagusia. Mikeletegi pasealekua 53, 20009, Donostia. [mapa]
Nola
 ]]> ieb07 ekitaldia garraioa argibideak http://www.unibertsitatea.net/blogak/ieb_07/nola-iritsi-ekitaldira#comments bilkura_07 Sat, 05 May 2007 11:54:51 +0200 “Web 2.0 hemen”... eta orain, Informatikari Euskaldunen VI. Bilkuran http://www.unibertsitatea.net/blogak/ieb_07/web-20-hemen-eta-orain-informatikari-euskaldunen-vi-bilkuran
Mundu mailako amarauna (WWW edo web-a) asko aldatu da azken urte hauetan. Hasiera batean ezagutu zutenek gogoratuko dute amaraun zurrun eta estatiko hura, entziklopedia batean bezala informazioa –testu-formatuan, batik bat– bilatu eta eskuratzeko aukera baino ematen ez zigun web hura. Gaur egun, baina, amarauna eduki aldetik hazi egin da, eta berarekin dugun harremana ere izugarri aberastu da.

Hasierako web hartako informazioa enpresen eta norbanakoen web gune estatikoetan zegoen batez ere, eta teknikari adituek ezarri behar zuten, HTML eta JavaScript bezalako lengoaiak ezagutu eta menderatzen zituzten teknikariek, alegia. Bestalde, internauta arruntak egin zezakeen gauza bakarra nabigatzea zen, web orrietan zehar hara eta hona ibili, informazioa ikuskatu, eta interesatzen zitzaiona inprimatu edo bere ordenagailura jaitsi.

Egun web 2.0 delakoaz hitz egiten da. Web 2.0 kontzeptu bat da, eta, funtsean, lehen aipatu dugun amaraunarekiko harreman mota berri hori gauzatzeko teknika, tresnak eta filosofia bera biltzen ditu. Web 2.0ren bihotza erabiltzailea da, internauta. Erabiltzaile arruntak eskura du, orain, Interneteko eduki-sortzaile bihurtuko duen azpiegitura oso bat, eta langintza horretan lagunduko dion hainbat erreminta. Edukien sorkuntza ez ezik, parte-hartzea eta partekatzea, elkarrekintza eta lankidetza bultzatzen direla esango litzateke. Izan ere, eta esan bezala, web 2.0 ez baita teknologia hutsa: jarrera bat, filosofia bat ere bada.

Web 2.0 honen barruan ezagunenetarikoa den fenomenoa, beharbada, blogena da. Zer dira blogak? Hertsiki begiratuta, web orri arruntak direla esan daiteke, baina web orri horien sortzaileari nahiz bisitariei ohiko web orriek ez bezalako laguntza eskaintzen dien funtzionalitateaz horniturik daude. Blogaren sortzaileak, bere testuak sortu eta argazkiekin aberasteko, adibidez, laguntza emango dion programa eta tresna batzuk aurkituko ditu zerbitzarian; bere testua idatzi orduko, berriz, mundu mailako amaraunean edonoren esku –hala nahi izatera, jakina– jartzeko moduan izango da, ekintza horren azpian dagoen teknologiari buruzko jakintza berezirik izan beharrik gabe. Era berean, blog horren irakurleak eskura izango ditu irakurritakoari buruz ohar edo erantzunen bat argitaratzeko bideak ere –eztabaida publiko bati hasiera emanez, esate baterako–, edota testu horretarako helbidea erakutsiko duen esteka eratu eta beste nonbait txertatzeko. Blogen bidez, bestela inoiz argitaratuko ez litzatekeen hainbat eta hainbat gauza plazaratzen dira gaur egun, informazioa eta iritziak trukatu eta partekatzeko aukerak zabalduz. Blogak puri-purian daude, eta, eremu pertsonaletik at ere, arlo askotan erabiltzen dira: komunikabideetan, irakaskuntzan, enpresetan eta abar.

Aipatu beharreko beste arlo bat multimedia-materialarena da. Gaur egun oso erraza da norberaren argazkiak, bideoa eta musika web bidez besterentzat eskueran jartzea, horretarako hainbat zerbitzu eta tresna baitaude. Material hori web-eratzean, gainera, etiketatu egin ohi da –mota, gai eta beste hainbat ezaugarriren arabera–, eta horrela sailkatuta geratzen da, geroko bilaketa-lanak erraztuz. Zerbitzu horien bitartez, irudiak, bideoak eta kantuak oso modu erosoan trukatu eta partekatzeko bideak eskaintzen dira, eta baita material horri buruzko iritziak eta oharrak egin, plazaratu eta jasotzekoak ere.

Lankidetza bultzatzen eta sustatzen duten tresnak ere aurki daitezke web 2.0n. Horien artean, wikiak aipatu behar dira. Wiki bat erabiltzaileei edukia sortzeko eta eguneratzeko erraztasunak ematen dizkion web gune berezi bat baino ez da. Funtzionalitate horri esker, wiki bat elkarlanerako tresna paregabea da, hainbat pertsonak dokumentu bat bera hainbat lekutatik edita dezaten aukera ematen baitu, oso modu errazean –ediziorako arau berezi batzuk bete behar izaten dira–, eta web orrien azpiko lengoaia eta berezitasun teknikoen ezagutzarik izan beharrik gabe. Hartara, esan daiteke wikiak kolektiboki eratutako web guneak direla; wikion adibide nabarmenena aipatzearren, wikipedia delakoa aipatuko dugu, amarauneko milaka eta milaka erabiltzaileren artean sortutako entziklopedia erraldoia (hizkuntza batzuetan beste batzuetan baino handiagoa eta osatuagoa, jakina).

Web 2.0k gauza gehiago ere eskaintzen ditu. Sindikazioak, adibidez, aukera ematen digu gure web gunean –edo gure ordenagailuan bertan– harpidetuta gauden beste web gune batzuetako informazioa “jario” moduan jasotzeko, automatikoki. Horrela, gure egunkari edo aldizkarietan, edo gogoko idazlearen edo musika-taldearen blogean, plazaratutako azken berriak jaso ditzakegu, kaleratu orduko eta automatikoki.

Interneten ezagutzen ditugun gune interesgarrienak inorekin partekatu nahi izanez gero, berriz, edo guk geuk hainbat lekutatik atzitu nahi baditugu, aise igo ditzakegu gune horien estekak horretarako propio dauden zerbitzuguneetara, eta hantxe izango ditugu handik aurrera, sailkatuta, etiketatuta eta edonondik eskueran.

Azkenik, ezin bukatu hausnarketa bat egin gabe. Berriki egindako ikerlan batek erakutsi duenez (http://www.reuters.com/article/technologyNews/idUSN1743638820070418), web 2.0 guneek jasotzen duten parte-hartze maila oso apala omen da, bisitari gehienek sortu ordez jasotzea nahiago baitute, antza. Wikipediaren kasua alde batera utzita, non bisitarien % 4.6 sartzen baita zerbait editatzera, beste zerbitzu askoren kasuan zerbait igotzen dutenen portzentajeak oso baxuak omen dira, % 1 baino txikiagoak. Beraz, web 2.0k berarekin dakartzan teknologia eta laguntzak prest dauden arren, aktiboki erabiltzeko ohiturak eta jarrera parte-hartzaileak oraindik heltzeko daudela ematen du, nahiz eta, aipatutako artikuluan dioenez, bi urtetan % 668 igo omen den era honetako web guneen bisita kopurua.

Beste gauza asko ere aipa genitzake, baina sakondu nahi duenak hortxe dauka hilaren hamarreko hitzordua: Donostian, Miramoneko Teknologia Elkartegiko eraikin nagusiko aretoetan, informatikari euskaldunen seigarren bilkura izango dugu. Eguneko egitarauari buruzko informazio gehiago nahi izanez gero, jo UEUko Informatika Sailaren helbidera (http://www.ueu.org/groups/informatika/), eta jarraitu VI. edizioaren esteka.

Ana Arruarte eta Xabier Artola *
UEUko Informatika Saila

* Artikulu hau osatzeko, Gorka Julioren materialaz baliatu gara (Elurnet, UEU).
]]> web2 0 ieb07 artikulua http://www.unibertsitatea.net/blogak/ieb_07/web-20-hemen-eta-orain-informatikari-euskaldunen-vi-bilkuran#comments bilkura_07 Fri, 04 May 2007 19:27:21 +0200 Bilkuran izen eman http://www.unibertsitatea.net/blogak/ieb_07/bilkuran-izen-eman ieb07 izen eman
Informazio gehiago UEUren web gunean. ]]> izen eman http://www.unibertsitatea.net/blogak/ieb_07/bilkuran-izen-eman#comments bilkura_07 Tue, 24 Apr 2007 10:47:53 +0200 Informazio osoa http://www.unibertsitatea.net/blogak/ieb_07/informazio-osoa 1996, 1998, 2001, 2003 eta 2005. urteetan antolatu genituen bilkura honen aurreko bost edizioak. Emaitzak arrakastatsuak izan dira, bakoitzean 160 pertsona bildu izan ditugu, informatikarekin lotura duten hainbat arlotatik etorriak: irakaskuntza, industria, administrazioa eta komunikabideak, nagusiki. Edizio haietako gai nagusiak hauek izan ziren: Euskarazko softwarea (1996), Euskara eta Internet (1998), Informatikaren irakaskuntza eta informatika irakaskuntzan (2001), Informatikaria gizarte elektronikoan (2003) eta Softwaregintzaren erronka berriak (2005). Bertan sortutako eztabaida eta gogoeta, dudarik gabe, eragile izan dira geroago arlo horietan gertatu den garapenean.

Bilkuraren izenburua, oraingoan, Web 2.0 hemen izango da. Jakina denez, web 2.0 teknologia multzo bat ez ezik, jarrera berri bat ere bada; horregatik, seigarren bilkura honen egitarauan, bi ikuspuntuoi buruz, teknologikoari zein filosofikoari buruz, alegia, jardungo duten hizlari adituak aurkituko ditugu. Egunean zehar aukera ezin hobea izango dugu teknologia berri hauek euskararen presentzia zabaltzeko nola erabil ditzakegun eztabaidatzeko. Hitzaldiak ez ezik, web 2.0 tresnak erabiliz izandako esperientzia aberasgarriak eta azken aldian garatu diren aplikazio berriak azaltzeko aukera ere izango da. Egunari bukaera emateko, berriz, web 2.0-ren kontrola nork duen, egon daitezkeen interes kontrajarriak eta antzekoak aztertuko ditugu mahai-inguru erakargarri batean.

Gai nagusia hori izanik ere, informatikan euskaraz jarduteak berarekin dituen bestelako gorabeherek ere izango dute lekua jardunaldiko mintzagaien artean. Informatikaren inguruan gabiltzanok "softwaregile eta erabiltzaile, ikasle eta irakasle, teknikari eta beste" bildu, elkarrekin eguna eman, eta komun ditugun arazoei erantzun eguneratu bat bilatzen saiatzea dugu, bada, helburu nagusia.

Hori guztia dela eta, jardunaldian parte hartzera animatzen zaitugu, benetan uste baitugu informatikan euskaraz jardun nahi dugunok biltzea garrantzi handikoa dela, elkarren interesak, arazoak eta kezkak nondik norakoak diren jakin dezagun.

Nori zuzendua: Informatikari (zentzu zabalenean hartuta) euskaldunak: softwaregile, erabiltzaile, ikasle, irakasle, teknikari eta abar, eta abar

Eguna: Maiatzaren 10a

Tokia: Miramoneko Teknologi Elkartegia. Mikeletegi pasealekua 56 1. 20009 Donostia

Egitaraua:

8:45-9:15 Harrera
9:15-9:30 Jardunaldien aurkezpena

Lehenengo hitzaldi-saioa
9:30-11:30 WEB 2.0 sarrera. Joxe Arantzabal (Mondragon Unibertsitatea)
Interneten izaera aldatzen ari diren formatu eta mikroformatuak. Gorka Julio (Elurnet)
Euskara interneteko 36. hizkuntza. Garikoitz Araolaza (Codesyntax, UEU)

11:30-12:00 Atsedenaldia/kafea

Saio PARALELOAK:

WEB 2.0 esperientziak
12:00-12:25 Euskaljakintza: 2.0 irakaskuntzan. Maite Goñi (IKTeroak taldea eta Ordiziako Jakintza ikastola)
12:25-12:50 TOLOSALDEA eta pantailaren atzealdeko estrategia. Iñigo Balerdi (TOLOSALDEA Goimailako LH Institutua)
12:50-13:15 zabaldu.com albistegi kolektiboa Arkaitz Zubiaga (Informatika ingeniaria, UNEDeko hirugarren zikloko ikaslea)
13:15-13:40 Tagzania eta Blogak: bi adibide praktiko. Josu Azpillaga (CodeSyntax)

Software produktuen aurkezpena
12:00-12:25 Ikasys. Naiara Maya eta Ainara Urrutia (Gipuzkoako Ikastolen Elkartea)
12:25-12:50 IMK: Itzulpen-memorien komunitatea. Ibon Aizpurua (Eleka Ingeniaritza Linguistikoa, UEU)
12:50-13:15 CorpEus eta EusBila, amarauna euskarazko corpus erraldoi gisa kontsultatzeko tresnak. Igor Leturia (Elhuyar Fundazioa, UEU)
13:15-13:40 Matxin: gaztelaniatik euskara itzultzeko teknologia software librean. Aingeru Mayor eta Mikel Lersundi (UPV/EHU)

13:45-15:30 Bazkaria

Bigarren hitzaldi-saioa
15:30-16:50 Euskal Herria 2.0. Iratxe Esnaola(Deustuko Unibertsitatea)
Web garapen arinerako tresnak: AJAX, Ruby on Rails eta MVC paradigma. Jatsu Argarate (CodeSyntax)

Mahai-ingurua
17:00-18:00 Internet 2.0 hemen eta munduan
Patxi Gaztelumendi (Kazetaria, UEU)
Aitor Soroa (EHU, UEU)
Eneko Astigarraga (Deustuko Unibertsitatea, Codesyntax

Bestea:

Bazkaria: Bazkaria eskeiniko da, 15¬ soilik apirilaren 30a baino lehen. Leku mugatuak izango dira eta onarpena dirusarreren arabera egingo da. Ordainketarako kontu korrontea: EUSKADIKO KUTXA 3035 0019 99 0190700210 (izen deiturak eta `IEB2007' adierazi, mesedez) Parte-hartzaileen zerrenda: Harremanak sustatu eta errezte aldera, jardunaldietako parte-hartzaileen izen eta helbide elektronikoekin zerrenda bat banatuko da, bertan agertu NAHIZ EZ BADUZU, mesedez argi adierazi korreo bat bidaliz info@bicberrilan.com

Prezioa: Doako sarrera, nahitezkoa izango da izena ematea ]]> ieb07 egitaraua http://www.unibertsitatea.net/blogak/ieb_07/informazio-osoa#comments bilkura_07 Tue, 17 Apr 2007 09:29:35 +0200 Informatikari Euskaldunen VI. Bilkura http://www.unibertsitatea.net/blogak/ieb_07/informatikari-euskaldunen-vi-bilkura Hasiera data eta ordua: 2007ko Maiatzak 10, 9:30tan
Bukatze data eta ordua: 2007ko Maiatzak 10, 18:00tan
Informatikari Euskaldunen VI. Bilkura
Donostiako Teknologi Elkartegia (Miramon)
Web 2.0 interneteko joerari buruzko hitzaldi tekniko zein dibulgatiboak egongo dira, software erakusketa eta mahainguru batekin batera. ]]> bilkura ieb07 data http://www.unibertsitatea.net/blogak/ieb_07/informatikari-euskaldunen-vi-bilkura#comments bilkura_07 Thu, 01 Mar 2007 11:57:54 +0100 Zure ekarpenen zain gaude http://www.unibertsitatea.net/blogak/ieb_07/zure-ekarpenen-zain-gaude Ez gelditu begira, zure ekarpen bidali

Software-erakusketa

Ekitaldi honen gai nagusia Web 2.0 hemen izanik, bilkuraren egunean euskaraz garatutako edozein klaseko software-produktuak aurkezteko beta ere izango da. Beraz, euskarazko softwarea ekoizten baduzu, bilkuran parte hartzeko gonbidapena luzatzen dizugu. [info +] [bidali]

Web 2.0 esperientziak


Aurtengo ekitaldiaren gai nagusia Web 2.0 hemen da. Internet 2.0 ezin da elkarlana eta kooperazioa bezalako ideietatik aparte ikusi. Hori dela eta, zuek izandako esperientziak bilkurako partaideekin eta etorkizunean filosofia horren parte izan nahi dutenekin konpartitzea aberasgarria izango da.
Web 2.0 esperientzia bakoitza azaltzeko hamabost minutu izango dira, eta beste bost galdera-erantzunetarako. [info +] [bidali]
]]> bidali ieb ekarpenak http://www.unibertsitatea.net/blogak/ieb_07/zure-ekarpenen-zain-gaude#comments bilkura_07 Fri, 26 Jan 2007 08:24:30 +0100 Software-erakusketa http://www.unibertsitatea.net/blogak/ieb_07/software-erakusketa
Zer eta nora bidali
Aurkezpenaren laburpena bidali behar da, gehienez orrialde bat, paperean zein formatu elektronikoan (testu soila, ASCII). Horrez gain, honako informazio hau beharko genuke:
Produktuaren izena
Egilea(k)
Produktorea
Helbidea, posta elektronikoa eta telefonoa
Interneterako konexiorik beharko zenuke aurkezpenean?
Informazio hau guztia behean dagoen helbidera bidal daiteke, edo bestela, formulario hau bete.

Ana Arruarte
a.arruarte[abildua]ehu.es
Informatika Fakultatea
649 p.k., 20080 Donostia
Tel.: 943 015065 Fax: 943 015590

Egutegia
Proposamenak bidaltzeko azken eguna: 2007-01-29
Egileei onarpena jakinaraziko zaie: 2007-02-09 ]]> ieb07 softwarea http://www.unibertsitatea.net/blogak/ieb_07/software-erakusketa#comments bilkura_07 Thu, 21 Dec 2006 09:05:04 +0100 Web 2.0 esperientziak http://www.unibertsitatea.net/blogak/ieb_07/web-20-esperientziak Web 2.0 esperientzia bakoitza azaltzeko hamabost minutu izango dira, eta beste bost galdera-erantzunetarako.

Zer eta nora bidali 
Bilkuran azaldu nahi den esperientziaren laburpena bidali behar da, gehienez orrialde bat, paperean zein formatu elektronikoan (testu soila, ASCII). Aurkeztutakoak, izenburua, egileen izen-deiturak eta web 2.0 esperientzia garatu den ingurunearen berri eman beharko du. Aparte bidali harremanetarako helbidea, posta elektronikoa eta telefono-zenbaki bat. Hori dena behean dagoen helbidera bidal daiteke, edo bestela, formulario hau bete.

Ana Arruarte
Informatika Fakultatea
649 p.k., 20080 Donostia
Tel.: 943 015065 Fax: 943 015590
a.arruarte[abildua]ehu.es

Egutegia
Laburpenak bidaltzeko azken eguna: 2007-01-29
Egileei onarpena jakinaraziko zaie: 2007-02-09 ]]> web20 ieb07 esperientziak http://www.unibertsitatea.net/blogak/ieb_07/web-20-esperientziak#comments bilkura_07 Thu, 21 Dec 2006 08:57:55 +0100