Orain da ordua…
… kasurako, honelako galdera zuzenak egiteko 18 hilabete (eta hiru aste) Kataluniako independentziarako izeneko solasaldian parte hartuko duten Martxelo Otamendi BERRIA egunkariko zuzendariari eta Vicent Partal Vilaweb.cat atariko zuzendariari:
-
Zein moneta erabiliko luke Kataluniako balediko1 Errepublika independente berriak? Eurogunean egotekotan, euroa noski. Eurogunetik kanpo geratzekotan, euroa? Moneta berri bat?
-
Zein politika fiskal erabiliko da Kataluniako balediko Errepublika independentean? Eurogunean egotekotan? Eurogunetik kanpo egotekotan, baina euroa erabiliz? Eurogunetik kanpo egotekotan eta moneta propioa usatuz, baldin eta proposamen hori aurreikusten bada?
-
Zein politika zehatz erabiliko du Kataluniako balediko Errepublika independenteak langabeziari aurre egiteko? Europan erabiltzen den monetarismo hutsa? Europan erabiltzen den politika neoliberal hutsa? Zein?
Nahiko eta sobera hasiera baterako…
1 ‘Baledi’ eta ‘balitz’ desberdintzen ditugu. ‘Baledi’ potentzialtasuna adierazteko. ‘Balitz’ irrealtasuna markatzeko.