Quebec ezaguna dugu. Montrealen eman nuen denboralditxo bat.
Alabatxoak bertan dira eginak, nahiz eta Euskal Herrian jaio…
Montrealen ekonomiari, zentzu formalean, lotu nintzaion1.
Beraz, Quebec-eko lotura handi samarra dugu.
Beste aldetik, Warren Mosler-ek 1997an Quebec Kanadatik irteteko proposamen zehatza idatzi zuen, moneta propioa, fleur izenekoa, erabiliz2.
Proposamen hori euskaraz ere ikus daiteke3. (Proposamen hori erabili dugu eurogunetik irteteko estrategia analizatzerakoan4.)
BERRIA-koek, berriz ere, Quebec ekarri dute plazara5:
“… Independentistak prest izan behar dira beldurrari loturiko argumentu guztiei erantzuteko; guk independentziari buruzko argumentu baikorrak plazaratu behar ditugu.”
“… Independentziaren aldarria ez da ezker ala eskuin kontu bat.”
Hortaz, lehendabizi independentzia, eta horretarako badago Mosler-ek proposaturiko bidea, moneta propioaren bidez.
Ikasiko ote dute quebectarrek?
Ikasiko ote dugu guk gaurko eurogunean EHrako ez dagoela inongo irtenbiderik bertoko arauak austeritatearen muina eta funtsa direlako?
1 Ikus John Kenneth Galbraith: https://www.unibertsitatea.net/blogak/heterodoxia/2014/12/16/john-kenneth-galbraith/.
3 Ikus https://www.unibertsitatea.net/blogak/heterodoxia/2011/07/12/nola-irten-eurogunetik-proposamena/.
4 Ikus, besteak beste honako lantxo hauek: Eurogunetik irteteko estrategia (https://www.unibertsitatea.net/blogak/heterodoxia/2011/12/21/eurogunetik-irteteko-estrategia/). EH eta moneta propioa: (https://www.unibertsitatea.net/blogak/heterodoxia/2012/08/03/eh-eta-moneta-propioa/).
5 Ikus “Independentzia nahi bada, gainditu egin behar da ezker-eskuin zatiketa”: http://www.berria.eus/paperekoa/1833/018/001/2015-05-20/independentzia_nahi_bada_gainditu_egin_behar_da_ezker_eskuin_zatiketa.htm.