Brad DeLong ekonomialaria kezkatuta dago, eta kezka horrek Stepanie Kelton DTM-ko ekonomialaria kezkatu du.
Ikus dezagun.
DeLong kezkatuta dago ‘finantzatu gabeko zerga murrizketaz’[1].
Kelton-ek hauxe galdetzen du: zer ote da ‘finantzatu gabeko zerga murrizketa’ bat[2]?
Kelton-en iritziz, DeLong-en bezalako elkarrizketa jarrerak[3] zenbait mito betikotu egiten ditu.
Mitoak honelakoak dira:
(i) AEBetako gobernua familia handia dela, eskudiruaren eskuragarritasunak mugatua edo diruaren mailegu emaileen arriskuen jangurak, zeintzuek txotxa itxi baitezakete, Grezia bezalako zor krisian gu botaz.
(ii) Egungo zerga murrizketak ‘ordainduak’ izan behar dira zerga handiagoekin edo etorkizuneko gastu murrizketekin. Horrek gogora ekartzen du bizi garela maileguz hartutako denboran.
Hona Kelton-en erantzunak:
a) Zerga murrizketak ez dira gobernuaren ‘kostuak’, DeLong-ek adierazten duen moduan.
b) Zerga murrizketek zergadunak diru gehiagorekin uzten dituzte, baina beranduago ez dute gobernuaren gastatzeko gaitasuna konprometitu.
c) Zor ratioa ez da inolako lotura mugapena, Scott Fullwiler-ek berriki luze eta zabal adierazi duen bezala[4].
Hortaz,
(1) Ezin dugu onartu AEBetako dolarra AEBetako gobernutik datorrenik?
(2) Monetaren jaulkitzailea ezin denik inoiz dirurik gabe geratu edo porrotera behartuta egon?
(3) Ezkerretako etxea ez denik eskuinetako etxea bezalakoa?
(4) AEBetako gobernuak ez duenik horrelakorik behar etorkizuneko emergentziekin aritzeko?
(5) Interes tasak gehiago daudenik ezkerretako erakundearen politika erabakien mende bono merkatarien inbertsio erabakien menpe baino?
Gu bezalako jendeak, diru modernoak funtzionatzen duen modua[5] irakatsiz, populazioa esnatuko ez dugun bitartean, defizit liskarrek goreneko eskua izango dute eta AEBetako jendeak sufrituko du beharrik gabe, Demokratek eta Errepublikarrek, biek, ‘nola ordainduko dugu?’ delakoan ezkutatzen segitzen duten heinean.
Beraz, has gaitezen ikasten!
[3] Kasurako, DeLong-en honako hau: “We cannot make policy on the expectation that the U.S. will always be able to borrow at negative real interest rates. And we should make policy aiming for a low debt-to-GDP ratio, because emergencies will arise in which we will want to boost federal spending quickly and substantially to attain important national purposes.”
joseba says:
Gehigarria.
Hona hemen Stephanie Kelton-en iruzkina:
http://neweconomicperspectives.org/2013/01/brad-delong-has-me-worried.html#comment-87365
Iker says:
DTM-ren baitan kokatzen diren ekonomilariak, gehien bat, ekonomilari estatubatuarrak dira. Zuk zure artikulu eta idazkietan, askotan, AEBri buruz ari zara (“AEBetako jendeak sufrituko du beharrik gabe, Demokratek eta Errepublikarrek, biek, ‘nola ordainduko dugu?’ delakoan ezkutatzen segitzen duten heinean”).
Zergatik aztertzen duzu AEBren kasua? ez al da zuzenago EBaren kasua aztertzea soilik, edo DTMko ekonomilari estatubatuarren irakaspenak zuzenean EBri aplikatzea zuzenean AEBko egoerari erreparatu gabe? ez al da munduan DTMren teoriak aplikatu dituen herrialderik? are gehiago… zelan aplikatu DTM-ren irakaspenak EHko egoera errealera, hau da, gaur egun EHan ditugun erakunde finantzarioei (hots, eskumen finantzario eta fiskalak dituzten erakunde publikoak: udalak, foru aldundiak, bankuak bilakatu diren aurrezki-kutxak…)? zer egin dezakegu hemendik bertatik? AEB urrunegi gelditzen da…
joseba says:
Kaixo Iker,
Suposatzen dut blog honetako sarrera batzuk irakurrita dauzkazula.
Hola balitz, jakingo zenuke:
a) Nire arazo bakarra EHren independentzia ekonomikoa eta politikoa aztertzea dela.
b) Hori dela eta (eta nahiz eta ez dudala batere gogoko Pro domo-z hitz egitea), hauxe duzula nire ibilbide ‘malkartsua’:
https://www.unibertsitatea.net/blogak/heterodoxia/2012/12/21/zenbait-mugarri/
c) Halaber, EBz ad nausean ikertu dudala: aspaldian M. Hudson-en bidetik (2006tik 2009ra) eta orain (2009ko abendutik aurrera) R. Wray, B. Mitchell, Stephanie Kelton, eta batez ere, W. Mosler-en laguntzaz.
d) Benetan, ad nausean!
e) DTM teoriaren aplikatzeari buruz: berriz, irakur blog honetako sarrerak!
Zorionez edo zoritxarrez, AEBetan gertatzen dena oso, baina oso-oso garrantzitsua da mundu osorako. Baita txoko honetan bizi garenontzat ere… (Bestela uste baduzu ere!)
EHren independentziari begira, gutxienez 12 (hamabi) sarrera desberdin dauzkazu: https://www.unibertsitatea.net/blogak/heterodoxia/2012/10/08/euskal-herria-independentziaranzko-bidean-2/.
Are gehiago, laster argitaratuko den liburuxka batean (300 inguruko orrialdekoa) luze aritu naiz EBz eta EHz, beti, hau da beti, DTM-koen laguntzen bidez.
Kontua da, EBz eta EHz hitz egiteko, nik neuk DTM behar dudala, ez dakit besteek zertan diharduten, ez dakit diharduten ere ez.
Eta dakidanez, aipatutako autoreak dira DMT-ko sortzaile bakarrak: http://www.slideshare.net/MitchGreen/money-is-no-object, 33. diapositiba.
Jakina denez, beti benetako, jatorrizko iturrietara joan behar da.
Horixe besterik ez dut egin, eta egingo dut, EHren onerako izango delakoan.
joseba says:
Aurkezpen itzela:
http://www.businessinsider.com/stephanie-kelton-fiscal-cliff-presentation-2012-11
http://www.businessinsider.com/stephanie-kelton-fiscal-cliff-presentation-2012-11#-1
joseba says:
S. Kelton-ek DTM-koen oinarriz: defizitak ezin dira bakartuta analizatu, ezin dira isolatuta kontuan hartu
http://www.slideshare.net/MitchGreen/mmt-basics-you-cannot-consider-the-deficit-in-isolation