EKAI CENTER, Durangon

UEUko Ekonomia Sailak, Berbaro Elkarteak eta Plateruena Kafe Antzokiak elkarlanean antolatuta, EKAI CENTER erakundeko kidea den Adrian Zelaiak hitzaldia emango du Durangon, maiatzaren 29an, asteazkena, arratsaldeko 20:00etan. Hitzaldiaren izenburua: “Toki garapena krisi garaian: planteamendu bat Durangorentzat”. Hitzaldian udalen eta eskualdeen garapenari buruzko argibide orokorrak emango dira (Toki Garapena), Durangalderako zenbait jarraibide proposatuz.

EKAI CENTER politika publiko sozio-ekonomikoa lantzen duen fundazioa da: EKAI CENTER-en zenbait lan unibertsitatea-net-eko Otarrean atalean ikusgai dituzue. Beren irakurketa gomendatzen dizuegu. EKAI CENTERen ekoizpena zabala da benetan eta bere mezua oso zuzena eta argia.

EKAIGaraiaAdrian Zelaia, UEUko Ekonomia Saileko kidea da: zuzenbidean doktorea, Mondragon Taldean aritu izan da zuzendaritza lanetan. Egun, EKAI CENTER erakundearen presidente exekutiboa da. UEUrekin hainbat lan argitaratu ditu, kooperatibismoarekin eta politika ekonomikoarekin lotuta.

Adrian Zelaia-GoienaDurangoko hitzaldia antolatzeko, bertako eragileen laguntza ezinbestekoa izan da. UEUtik eskerrak eman nahi dizkiogu, bai Berbarori, bai Plateruenari, saio hau prestatzen eskeinitako elkarlanagatik.

berbaro_logoa Plateruena K.A. logoa

Laburbilduz: bere izaera praktiko eta zuzenagatik, maiatzaren 29ko hitzaldia oso interesgarria izan daiteke Durango aldeko herritarrentzat nahiz eragile sozial eta politikoentzat.

Iruzkinak (8)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude