IEB2011: Sarea josten

label{display: inline;padding-left:7px;}.photo{flow:left} .ss-form-desc{flow: top}
.ss-form-container{width: 450px;background-color: #FFF;border: 1px solid #CCC;padding: 0.5em 1em;font-size: 0.9em;}.ss-q-title{font-weight: bold;padding-left:7px;display: block;}.ss-required-asterisk{font-size:0.8em;color:red;}.ss-q-submit{color: #000;}.ss-form-entry{margin-bottom: 1.5em;}.ss-choices{list-style: none;
} .ss-q-short, .ss-q-submit{background:#f7f7f7;border:solid gray 1px;margin:8px;padding:0px 3px; color:#666666; }.ss-legal, .ss-terms {align:center}

Sarea josten

Informatikari Euskaldunen VIII. Bilkura IEB2011 Gizarte-sareak kartelaSarea josten saregintza ekitaldi bat da. Informatikari Euskadunen Bilkura 2011 (#IEB11)ko partaide guztiek taldeka beraien arteko harremanak landuko dituzte, gai baten inguruan. Horretarako, aukera anitzeko galdera hau erantzun behar duzue. Nahi izanez gero, aukera bat baino gehiago hautatu. Inkesta honek ez du matrikulatzeko prozedura ordezkatzen. Gogoratu, maiatzaren 12an aurkezpen-txarteltxoak ekartzeaz, eta zeure burua aurkezteko minutu bateko hitzalditxoa prestatzeaz.

Jakinarazi nahi dizugu Datu Pertsonalen Babeserako 15/1999 Lege Organikoan aurreikusitakoaren arabera, zure datua “Administrazio Orokorra” izeneko fitxategian sartuko direla. Fitxategi hori Datuen Babeserako Agentzian inskribatuta dago eta Udako Euskal Unibertsitatea da bere erantzulea. Datu pertsonalak biltzearen xedea soil-soilik da Udako Euskal Unibertsitatearekin duzun harremana kudeatzea eta gure jardueren berri eman ahal izatea edozein bitarteko erabiliz, posta elektronikoa edo antzeko bideak barne.

Datuen titularra zaren aldetik, baimena ematen duzu datuok aipatutako fitxategian sartzeko. Edozein kasutan, eskubidea daukazu datuok ikusi, zuzendu, ezabatu edo aurka egiteko, ezer ordaindu gabe. Horretarako, Udako Euskal Unibertsitatera jo beharko duzu. Helbidea: Erribera kalea 14, 48005 Bilbo, Bizkaia. Eskutitzean DBLO adierazi beharko duzu.


* Derrigorrezkoa







(function() {
var divs = document.getElementById(‘ss-form’).
getElementsByTagName(‘div’);
var numDivs = divs.length;
for (var j = 0; j < numDivs; j++) {
if (divs[j].className == ‘errorbox-bad’) {
divs[j].lastChild.firstChild.lastChild.focus();
return;
}
}
for (var i = 0; i < numDivs; i++) {
var div = divs[i];
if (div.className == ‘ss-form-entry’ &&
div.firstChild &&
div.firstChild.className == ‘ss-q-title’) {
div.lastChild.focus();
return;
}
}
})();

Euskal unibertsitateen gizarte-sareetarako dekalogoa

p { margin-bottom: 0.21cm; }a:link { }

Arestian ikusitako egoerakontuan izanda, 10 gomendio eta piko plazaratzen ditugu:

  1. Banatu egiten duzuna. Gizarte-sareetan komentatu edo estekatu
    zure prentsa-oharrak, sailetan edo ikastetxeetan gertatutakoaren
    berri edo lorpen garrantzitsuenak. Erakundearen ikuspegi nagusia
    taiutzen lagundu.
  2. Irudikatu egiten duzuna. Ikasleak liburutegian,
    korridoreetan, zelaietan, kiroldegietan. Irakasleak eskolak ematen
    eta ikerlariak laborategietan. Argazki bildumak eta bideoak, etxean
    prestatu edo lehiaketak antolatu, edo are errazagoa ere,
    komunitateak egiten duena estekatu eta balioetsi.
  3. Erakundearen barruan erabiltzaile goiztiarrak bilatu,
    eta beste batzuk lortu (formakuntzaren bitartez, adibidez, edo
    hitzaldien bitartez). Horien emango dizute ikus-entzulegoa,
    proiekzioa eta berriak. Zehaztu etxe barneko kanalak. Oihartzuna
    eman pertsona hauei. Lortu bilkura edo ekitaldi gehienetan zuzenean
    mikroblogeatzeko eta argazkiak zein bideoak igotzeko norbait.
  4. Finkatu etiketak eta laburdurak, indartu markaren ezagutza.
  5. Gutxitan bada ere, erabili beste hizkuntzak. Finkatu ikuspegi
    bat beste hiztun komunitateei begira.
  6. Entzun gizarte-sareetan esaten dena. Ospea monitorizatu, eta
    taxuzko erantzunak prestatu krisialdietarako. Neurtu zure kanpainen
    oihartzuna eta emaria. Diseinatu etxe barneko komunikazio-fluxuak.
  7. Erantzun erabiltzaileen beharrei. Gure merkatua ere
    elkarrizketa bat da. Ez dago egunetan erantzun gabe geratu den
    galderarena baino irudi pobreagoa.
  8. Antolatu taldeak komunitatearentzat. Erraztu eta balioan
    jarri beraien arteko harremana. Facebookeko taldeak eta zaletasun
    orriak, LinkedIn-eko taldeak eta orrialdeak, horietara guztietara
    zure komunitatea bilduko da, edukin eta mantenu apur bat emanda. Ez
    duzu ikasle-ohientzako plataformarik? Sortu gizarte-sareren batean,
    eta elkartearekin landu.
  9. Erabili teknika osagarriak neurrian. Barneko atariren batean
    agertzen diren berriak automatikoki gizarte-sareetara bidaltzea ondo
    legoke, baina internauta askok gutxiesten ditu automatismoak. Eta
    kontra norazkoan, etiketa baten azpian esaten dena zure web
    orrialdetan txertatzea polita eta erakargarria da, baina inork ez
    badu begiratzen, zutaz trufatzeko eragile bihur liteke.
  10. Antolatu ekitaldiak gizarte-sareei begira. Zure
    komunitatearekin elkarrizketa bat izateko aukera bat da, eta
    Stanford-en bezala
    ondo antolatuta emaitza oparoa lor liteke. Badakizu, oihanean
    tximinoa dena, berera, baina gorilei begira noizbehinka.
  11. Landu mugikortasuna. Honek beste dekalogo baterako lana
    emango du, baina ez ahaztu.

    Iñaki Agirre

Marka eta hizkuntza euskal unibertsitateetan

p { margin-bottom: 0.21cm; }h4 { margin-bottom: 0.21cm; }h5 { margin-bottom: 0.21cm; }h5.western { font-family: “Liberation Sans”,sans-serif; font-size: 11pt; }h5.cjk { font-size: 11pt; }h5.ctl { font-size: 11pt; }p.sdfootnote { margin-left: 0.5cm; text-indent: -0.5cm; margin-bottom: 0cm; font-size: 10pt; }a:link { }a.sdfootnoteanc { font-size: 57%; }

Azken zertzeladak

Hizkuntza

Saltzaileen esamesa zaharrak zure bezeroaren hizkuntzan mintzatu
behar duzula dio. Balizko bezero hau nor den ez da zaila asmatzen,
batik bat unibertsitate publikoena. Gizarte-sareetan eramaten den
hitzaldia
nagusiki gazteleraz ematen da. Euskal Herriko
Unibertsitatea eta Mondragon Unibertsitatea nahiko trebeak dira bai
gazteleraz eta bai euskaraz hitz egiten. Besteak, ordea, gehien bat
erdara hutsean hitz egiten dute. Nabarmentzekoa da Nafarroako
Unibertsitate Publikoaren kasua, unibertsitate publikoa izanda, nafar
ikasleriari begira oso-oso gutxi erabiltzen baitu euskara
gizarte-sareetan.

Bestalde, Europako unibertsitateek ikasleen mugikortasunaren tasa
igo nahi dute, %20raino. Helburu honetatik urruti dabiltza
unibertsitate gehienak; 2008an Euskal Herriko Unibertsitateak 1000
ikasle bidali zituen kanpora, eta 500 ekarri, %4ra iristen ez den
mugikortasuna, alegia. Nafarroako Unibertsitateak, aldiz, gertuagotik
dabilkio helburuari segika, ikasleen %14a atzerritarra duela iragarri
berri baitu1.
Bosteneko helburura iristeko, ikasleak kanpora bidali behar dira, bai
eta kanpokoak gurera erakarri ere. Eta ikasleak erakartzeko, beraien
hizkuntzan mintzatu behar zaie. Ingelesez bidaltzen diren mezuak,
ordea, hutsaren hurrengoa dira. Frantsesa, alemanera, portugesa edo
italiera, ezezagunak dira. Badago lantegia egiteko, orduan, arrotz
hizkuntzetan.

Marka

Euskal unibertsitateak nahiko ezagunak dira beraien inguruetan.
Baina kanpoko ikasleei begira, beren markaren indarra ez da hain handia.
Unibertsitate gazteak dira, eta ez, zoritxarrez, punta-puntakoak.
Gauzak zailtzeko aldera, gizarte-sareetan karaktere gutxiagotan
idatzi behar dugu, eta bi ahuldade hartu behar dira kontuan:

  1. Siglen eta laburduren nahasmena. Nafarroako Unibertsitateak
    @unav erabiltzen du askotan, eta Nafarroako Unibertsitate Publikoak
    @UNavarra. Euskal Herriko Unibertsitateari UPV esaten diote batzuek,
    baina Universitat Politècnica de
    Valènciaren
    siglak dira.
  2. Fakultateen zein ikastetxen nabarmenkeria. Gertuko inguru
    profesional batzuetan La Comercial, FCOM edo HUHEZI ikastetxeak
    ezagunak izango dira, baina hastear dagoen ikaslegaiarentzat
    ezezagunak dira, are gehiago ikasle atzerritarrarentzat ere. Eta mezu laburretan, unibertsitatearen markari itzala egiten diote, batzuetan.Iñaki Agirre

IEB2011: Deialdia irekita!

Aurtengo Informatikari Euskaldunen Bilkuraren gaia gizarte-sareak dira. Beti bezala, gaiari disziplinartekotasunetik heltzen saiatuko gara. Alde batetik, soziologiaren ikuspuntutik, gizarte-sare zerbitzuen eta gizartearen edo benetako gizarte-sareen arteko harremanak aztertuko ditugu. Hedabideen ikuspegitik ere begiztatuko ditugu, hedabidearen esannahia nola aldatu den, kazetaritzaren gainbehera edo krisia, eta gizarte-sare zerbitzuak komunikatzeko baliabide bezala ikusita. Hortik gertu, harreman publikoetako profesionalen eta komunikatzaile berrien lana aztertuko dugu, komunitatearen kudeatzaileen edo saregileen esperientzia ekarrita. Irakaskuntza mundutik ere gizarte-sareek ekarri edo areagotu duten paradigma aldaketa interesatzen zaigu. Gai teknikoagotan sartuta, blogen eta gizarte-sareen arteko lehia edo elkarlana, gizarte-sareen eragina bilatzaileetan edo ospean… guztiz informatikoak ez diren gaiak, baina oso interesgarriak, nire irudiko.

 

Lerro nagusi horren gain, elkar lotuta dauden beste pare bat jorratuko dugu. Mugikortasuna, edo Nokiaren leloak dioen bezala, Connecting people. Eta behin konektatuta, non zauden zu edo non dauden ezagutzen dituzun gauzak eta zerbitzuak jakin nahi dugu. Geolokalizazioa, GPS eta abar.

 

Azkenik, bilkura honetan ohiko bihurtu den legez, software edo zerbitzuen garapenean azken aurrerapenak erakutsi nahi ditugu.

 

Oso taxuzko hizlariak topatu ditugu egun horretarako, baina jende gehiago animatu nahi dugu. Komunikazioak aurkezteko epea ez da oraindik bukatu!

 

Irrikitan nago IEB11 iristeko. Eta gainera, gaiari lotuta, aurten sarearen joste-ekitaldia antolatuko dugu. Ez badakizu zer den, etorri, ezin duzu galdu. Eta baldin badakizu, gozatu eta etekina ateraiozu. Mundiala izango da!

Iñaki Agirre

Euskal unibertsitateekiko atxekimendua gizarte-sareetan

Euskal unibertsitateek gizarte-sareetan duten presentziari beste begirada bat emateko, agertu diren mezuen zentzua aztertuko dugu. Blogetan azaldu diren mezuek, mikroblogetan elkar trukatzen diren mikromezuek, argitaratzen diren berriek, bideoek, argazkiek, gizarte-sareetan sortzen diren taldeek unibertsitate hauekiko zer nolako atxekimendua adierazten duten gainbegiratu dugu. Irudi ona, neutroa edo txarra islatzen al dute? Maitasuna ala gorrotoa? Bertan ikasteko erabakia hartzear dauden ikaslegaien eta beraien familien aurrean, nola ematen dute?

Lagina ateratzeko surchur, topsy, tweetmeme eta facebookek berak eskaintzen duen bilaketa tresna erabili ditugu.

Honako hauek dira emaitzak:

EHUsentipena

Euskal Herriko Unibertsitatearen irudia nahiko ona da. Mezu positiboak ikerkuntzari lotuta banatu dira, batik bat. Mezu eztabaidagarriak, hortaz neutroak bezala sailkatu ditugunak, gatazka laboralen ingurukoak izan dira. Eta mezu negatiboak, liskartsu bihur zitezkeen agerraldi batzuen inguruan agertu dira.

NUsentipena

Nafarroako Unibertsitatearen irudia ere nahiko ona da. Mezu positiboak ikerkuntzari, irakaskuntzari eta unibertsitate-hedapenari lotuta sortu dira. Mezu eztabaidagarriak, abortuaren aurka (edo bizitzaren alde) sortu dira. Eta mezu negatiboak, ETAren borrokarekin zerikusia izan zutenak.

NUPsentipena

Nafarroako Unibertsitate Publikoaren irudia, aldiz, ez da hain ona. Mezu positiboak ikerkuntzarekin dute harremana, baina mezu negatibo guztiak Diario de Navarrak burutu zuen aipu-galtze kanpainia baten inguruan sortu dira. Ustezko elkarbizitza urratze batzuek zuten aitzakia, eta ez dute oihartzun handirik izan. 6 mezu, blogetan, besterik ez ziren sortu, baina unibertsitate honen inguruan dagoen isiltasunean, nabarmendu dira. Ospearen krisialdiak nola kudeatu behar diren gogoratu beharko genuke, hortaz.

DeustuSentipena

Deustuko Unibertsitatearen irudia nahiko ona da. Mezu positiboak ikerkuntzari eta enpresekin dituzten harremanei lotuta banatu dira. Mezu negatiboak, aldiz, irakaskuntza kaxkarraren inguruan jaulki dizkiote. Facebookeko taldeak dira; Duke Unibertsitatetik arazo hori nola kontrolatzen duten ikastea badaukate.

MUsentipena

Mondragon Unibertsitatearen irudia perfektua dela esan genezake. Alabaina, oso mezu gutxi argitaratu dira. Euskal unibertsitateen inguruan argitaratzen diren mezuen %4 besterik ez, zundaketa honetan. Lan egin beharko lukete beraien presentzia handitzeko, balizko krisialdi baten aurrean erantzun ahal izatekotan.

Iñaki Agirre

Konparaziorako, Duke unibertsitateari buruzko gaiak

Aurreko batean euskal unibertsitateei buruzko gaiak gizarte-sareetan aztertu genituen. Datuak hobeto ulertzeko, jo dezagun AEBetara. Horko Duke Unibertsitatea, munduko onenetarikoa, erabiliko dugu konparaziorako. Lagin txikia hartu dugu, baina hona emaitzak:

Duke Unibertsitatea Gaika

Ikuspegia zeharo ezberdina da. Ikerketa, edo unibertsitatearen kudeaketa, ez dira aipatu ere egin. Irakaskuntza bai, saltzen dutela ematen du. Eta solasaldiaren esparru gehiena kirolak hartzen du. “Go, Duke, go!” entzuten denean, saskibaloiko edo lacrosseko unibertsitateko kirol-taldeez ari dira.

Hango unibertsitarien komunitate sena arras bestelakoa dela ematen du. Edo, nola azal ditzakegu horrenbesteko aldeak? Zer deritzozue? Nik ez ditut AEBak bisitatu, hango unibertsitate mundua ezagutzen al duzue?

Iñaki Agirre

2010ean irakurri ditudan liburuak

Joxe Aranzabalek utzitako lekukoa hartuta, neuk ere etxean 2010ean irakurritakoak zerrendatuko ditut:

 

    • La nueva mente del Emperador / Roger Penrose, Mondadori. Saiakera: Informatika Urrezko izarra Urrezko izarra Urrezko izarra Urrezko izarra Urrezko izarra

 

    • Los nuevos Vascones / José María Pérez Bustero, Txalaparta. Eleberria: Historikoa Urrezko izarra Urrezko izarra Urrezko izarra

 

    • La naturaleza del trabajo directivo / Henry Mintzberg, Ariel. Saiakera: Kudeaketa Urrezko izarra Urrezko izarra Urrezko izarra Urrezko izarra Urrezko izarra

 

    • The Catcher in the Rye / Jerome David Salinger, Penguin. Eleberria Urrezko izarra Urrezko izarra Urrezko izarra Urrezko izarra Urrezko izarra

 

    • El Saracen / Douglas Reeman, Noray. Eleberria: Historikoa Urrezko izarra Urrezko izarra Urrezko izarra

 

    • Cinjis Kan 1: El eterno cielo azul / Patrick Cothias; Griffo. Glénat. Komikia: Historikoa Urrezko izarra Urrezko izarra Urrezko izarra

 

    • La revolución LinkedIn: La red profesional del management 2.0 del siglo XXI / Juanma Roca. Paidós Ibérica. Saiakera: Informatika Urrezko izarra Urrezko izarra Urrezko izarra Google books-en berri laburra

 

    • Gerónimo el apache / Charlier; Giraud. Norma. Komikia: Historikoa Urrezko izarra Urrezko izarra Urrezko izarra

 

    • Un duelo y otros cuentos / Guy de Maupassant. Compañía Europea de Comunicación e Información. Ipuinak: Historikoa Urrezko izarra Urrezko izarra Urrezko izarra Urrezko izarra

 

    • Virtualization For Dummies / Bernard Golden; Clark Scheffy. Wiley. Saiakera: Informatika Urrezko izarra Urrezko izarra

 

    • Valerian / Jean-Claude Mezières; Pierre Christin. Norma. Komikia: Zi-Fi Urrezko izarra Urrezko izarra Urrezko izarra Urrezko izarra Urrezko izarra

 

    • Paz interminable / Joe Haldeman. Zeta. Eleberria: Zi-Fi Urrezko izarra Urrezko izarra Urrezko izarra Urrezko izarra

 

    • La caída de la casa de Usher / Edgar Allan Poe. Nostra. Ipuina: Beltza Urrezko izarra Urrezko izarra Urrezko izarra Urrezko izarra

 

    • El hombre bicentenario y otros cuentos / Isaac Asimov. Ediciones B. Ipuinak: Zi-fi Urrezko izarra Urrezko izarra Urrezko izarra Urrezko izarra Urrezko izarra

 

  • La canción de los misioneros / John Le Carré, Areté Eleberria: Espioiak Urrezko izarra Urrezko izarra Urrezko izarra Urrezko izarra

Inoiz baino gutxiago irakurri dut. Saiakera guztiek nire lanbidearekin lotura dute; politika eta historia alboratu nituen. Eleberri historiko bi, eta zientzia-fikzio nahikotxo irakurri dut. Eta euskaraz bat ere ez. Hala eta guztiz ere, berriz irakurtzeko astirik bilatu izan dut, Mezières – Christinen eta Poeren lanak bigarrenez irakurri baititut. Gehien hunkitu nauten lanak Penroserenak eta Salingerrenak izan dira. “La nueva mente del Emperador” adimenarentzako bazka izan da, izugarri gozoa, eta batzuetan erronka punttu batekin. Eta Salinger irakurtzean Batxilergoan klaseak eraberritu zizkigun ingelesezko irakaslearekin gogoratu naiz. “He started going into this nodding routine“-z hasten den zatia berriz irakurri dudanean 15-16 urtekin nola ikutu ninduen etorri zait gogora. Gozatu egin dut, aitortu behar dut.
Formatuari dagokienez, PDF bakarra irakurri dut, “Virtualization for Dummies“, eta liburu digitalik ez. Gehienak, hortaz, betiko paperean. Aurten formatuak aldatu direlakoan dago, sakelekoan Aldiko ezarri baitut.

Iñaki Agirre

Euskal unibertsitateak gizarte-sareetan (3)

Euskal unibertsitateei buruzko mezuak gaika

Ahaztu samar genuen ildoari jarraituz, euskal unibertsitateen irudiari beste bistarazo bat emango diogu gaur. Zertaz hitz egiten den, elkarrizketa zertaz den begiratuko dugu. Horretarako, gizarte-sare bakar batean jarriko dugu arreta, twitter ospetsuan, eta topsy zundaketa tresna bezala hartuta, mintzagaiak aztertuko ditugu.

Unibertsitatearen eginkizuna irakaskuntzan eta ikerketan datza, batik bat. Esparru hauek sostengatzeko kudeaketa prozesuak dauzkagu.  Eta azken hamarkadetan unibertsitate-hedapenaren aterkinaren azpian sartzen diren bestelako jarduerek garrantzi handiagoa hartu dute. Espainiako Unibertsitateen Lege Organikoaren 14. tituluarekin bultzatu nahi den kirola, zientzia eta jakintzaren zabalkundea, musikaldi eta jaialdiak, edo eta elkartasuna eta giza-eskubideen defentsa sartzen dira esparru honetan.

Sarearen mintzoa entzuten badugu, unibertsitate-hedapenak hartzen duen lekuaz jabetuko gara. Izan ere, horrelako jarduerak mikroblogetako aipuen gehiengoa dira. Berezko edo jatorrizko jardueren artean, ikerketak irakaskuntza aurreratzen du. Honek, zalantzarik gabe, sareko mintzoak unibertsitateetatik bertatik gidatuta dagoela erakusten du, beraien barneko ikuspuntua baita. Unibertsitateetan ikerketa aintzat hartu ohi da, irakaskuntzaren gainetik. Laugarren lekuan kudeaketa bera dago.

Unibertsitate-hedapenean zentratzen bagara, elkartasunak eta giza-eskubideen defentsak mezuen erdia hartzen dutela ikusiko dugu. Agian Ameriketan gertatu diren hondamendiek bultzatuta, unibertsitate katolikoak nahiko mintzatu dira horretaz. Gero, zientzia eta kulturaren zabalkundeaz mintzatu da. Piska bat gutxiago, musikaldi eta jaialdietaz. Eta agertu ez dena, gure harridurarako, kirola izan da.

Euskal Unibertsitateak Gaika

Iñaki Agirre

Euskal unibertsitateak gizarte-sareetan (2)

Web 1.0 eta blogosferako kokapena

Laura Pascual Cantabrana,
Iñaki Agirre Pérez

(en
español aquí
)

Joan den astean plazaratu “Euskal
unibertsitateak gizarte-sareetan
” txostenari jarraituz, gaur unibertsitateen web argitalpen osoa, alde batean, eta blog argitalpena, bestean, ikuskatuko dugu.

Webometricsen datuek Euskal Herriko Unibertsitatearen agerpen zabalagoa erakusten dute, atzean Nafarroako Unibertsitatea darraiola.

Kokapen datu hauek euskal unibertsitateen ikasle kopuruekin
erkatuz, unibertsitateen web 1.0 argitalpenen antzeko errendimenduak
dagertza, gutxi gora-behera ordena linealeko erlazioan. Deustuko
Unibertsitatea nabari da zertxobait. Adierazle konposatutik web
argitalpenaren tamainua erauzten badugu, Deustuko Unibertsitatearen
errendimendua are nabariagoa da.

Webometrics-invTamaino_eu

TamainoGrafico_eu

Gure ustez, gizarte-sareetako jarduera eta web argitalpenaren
tamainua ez daude lotuta. Erakundearen blogen aldeko politika
eraginkor batek argitaratutako web orrialdeen kopurua emenda dezake,
baina hasiera batean, gizarte-sareetako guneetan jardun, mikroblogak idatzi edo gizartean etiketatzea ikuspena, onarpena eta azken batean eragina hobetzeko baliogarriak dira.

Webometrics sailkapeneko ikuspenari so, Nafarroako Unibertsitateko blog politika emankorra izan dela pentsa dezakegu, blogak sustatu bai, baina ikasleei ireki ez dizkien Euskal Herriko Unibertsitatea harrapatu duelako.

Webometrics-invVisibilidad_eu

Hala eta guztiz ere, 4icu erakundearen ikuspen/onarpen adierazleak ez ditu berresten datu hauek. 4icuren arabera Euskal Herriko Unibertsitatea da nagusia, eta honen atzetik politika iraunkorra duen Deustuko Unibertsitateak zein blogik sustatzen ez zuen eta gizarte-sareetan parte hartzen ez zuen Nafarroako Unibertsitate Publikoak Nafarroako Unibertsitateari aurrea hartu diote.

4icu-Visibilidad_eu

Azkenik, Mondragon Unibertsitateak planet formatua aukeratu du unibertsitarien etxeko zein kanpoko blogak batzeko. Ondorio gisa, datu hauek oso kontuz erabili behar direla ohartu besterik ezin dugu egin. Izan ere, neurtresnen emaitzak ez datoz bat.

Ikuspegia osatzeko asmoz, surchur zerbitzuaren beste adierazle bat eskaintzen dugu,
ikasleak erakartzeko garaiko blogen onarpena, hain zuzen ere. Aipatu zuhurtzia ahaztu gabe, unibertsitate pribatuek (Deustuko, Nafarroako eta Mondragon Unibertsitateak) hobeto jokatzen ari direla esango genuke.

SurchurBlogs201003_eu

Euskal unibertsitateak gizarte-sareetan (1)

Euskal unibertsitateak gizarte-sareetan

Online ospea/aipua eta web 2.0a

Laura Pascual Cantabrana, Iñaki Agirre Pérez

Sarrera

Artikulu sorta honetan Euskal Herriko unibertsitateen
online ospea aztertu nahi dugu. Unibertsitate hauek berandu iritsi
dira gizarte-sareetara. Alta, unibertsitate gazte hauentzat ospea
eta izen ona lortzeko aukera irekita dago. Azken hilabeteetan kokapen
eta mugimendu berri estrategikoki interesgarriak somatu ditugu, eta
txosten labur bat prestatzea deliberatu dugu. Gure helburua
komunikazio estrategia hauek ebaluatzea eta erkatzea izan da, unibertsitate bat hautatzear dagoen ikaslegaiaren ikuspuntutik.

EuskalUnibertsitateenLogoak

Txostenaren lan eremua Deustuko Unibertsitateak, Euskal Herriko Unibertsitateak, Mondragon Unibertsitateak, Nafarroako Unibertsitateak eta Nafarroako Unibertsitate Publikoak osatzen dute.

Online gizarte-sareek gizartean merkatu-penetrazio handia lortu dute, batik bat erdiko eta goiko klaseetako gazteen artean. Izan ere, hauexek dira unibertsitate-ikasketak hasteko aldekoenak.

Espainian, adibidez, Tuentik Googlek baino %35 trafiko gehiago eramaten du. Eta datuak bildu genituen hilabetean Facebookek 584 mila erabiltzaile
gehiago lortu zituen Espainian bakarrik, hau da, %6,7ko igoera.

Internauten kopuruei dagokienean, Espainiako biztanleriaren %72ak erabiltzen du internet, munduko 6. sartze-maila (Internet World Stats 2009/08).

Ingelesez esaten duten bezala, fish
where the fish are
, edo Willie Sutton banketxe-lapurrak zioen legez, go where the money is… and go there often.

Xperience Consultingek idatzi eta Universian
argitaratutako txostenaren arabera, unibertsitate ikaslegaietako %69ak karrera hautatzerakoan Interneten bilatzen du informazioa.
Erabaki hau hartzerakoan eragile nagusiak programen aniztasuna (1.a), salneurria (2.a), unibertsitatearen ospea (3.a) eta bekak eta laguntzak (4.a) dira.

Web orrietan gehien bilatzen duten informazioak honako hauek dira: titulazioak, onarpen irizpideak eta programen salneurriak. Bai eta bestelako informazio akademikoa, egoitzei buruzkoa edo bekei buruzkoa ere errazago aurkituko nahi lituzkete.
Izan ere, ikasketa-planei, onarpen-baldintzei, irteera profesionalei eta abarrei buruzko informazioaren banaketa gogoz eskertzen dute
gazteek.

Ikerlan honen jopuntua
gizarte-sareak izan dira, unibertsitateen ospean bolo-bolo ahoz aho dabilen iritzia giltzarria delakoan gaudelako. Gizarte-sareetan ikaslegaiek unibertsitateen kalitateari buruzko lehen eskuko informazioa lortzea daukate, eta informazio hau beraien erabakiaren eragilerik nagusienetakoa da.

Bigarren helburuz,
unibertsitateen marka irudia aztertzen dugu, Paul J. J. Payackek
dioen bezala, “ikaslegaiek, ikasle-ohiek eta enpresaburuek […]
tituludunak eskolaren ezaugarriak bereganatzen dituela uste
dute”lako.

Azkenik, unibertsitate
bakoitzak komunitatearekin lotzeko zer hizkuntza erabiltzen duen ere
aztertuko dugu.

Beste ikerlan batzuk

Guk dakigunez, gaur arte ez da
Espainiar Estatuan ez eta Europan argitaratu unibertsitateen online ospearik buruzko ikerlanik.

AEBetan Texasko Global Language
Monitor-rek interneteko zein prentsako hedabideetako agerpenen arabera unibertsitateak sailkatzen ditu.

CSICek munduko unibertsitateen
sailkapena burutzen du web argitalpenen arabera, webometrics
izenekoa. Sailkapen honetan web orrien kopurua, estekak, fitxategi
motak eta Google Scholar-reko emaitzak hartzen dira aintzat. 4icu.org erakundeak ere antzeko sailkapena mantentzen du.

Beste unibertsitate sailkapen batzuk,
QS-THES edo ARWU kasu, ospea aztertzen dute, baina inkesta
pertsonalen bitartez (QS-THES) edo Nobel bezalako bikaintasun agirien
bitartez (ARWU).

Hurrengo artikuluan web 1.0 eta blogosferako kokapena aztertuko dugu.