Dokumentuaren akzioak
Zientzia dibulgazioaren profesionalizazio prozesuaz hitzaldi bat eskainiko du Peter J. Bowlerrek
Irudia: UPV/EHU
UPV/EHUk antolatuta, zientzia dibulgazioaren profesionalizazio prozesuaz Zientzia dibulgazioa. Kazetariak ala zientzialariak? hitzaldia eskainiko du Peter J. Bowlerrek bihar Donostian.
Darwinismoaren, ingurumen zientzien eta genetikaren historian aditua da Bowler, eta, argitaratu duen lanetako bat izango da hitzaldiaren abiapuntua, alegia: Science for All. The Popularization of Science in Early Twentieth-Century Britain.
Hitzaldian, kazetariek eta zientzialariek zientziaren dibulgazioan egindako lanen arteko talkak izango ditu hizpide historialariak eta hitzaldia ingelesez eskainiko du. Hala ere, aldibereko itzulpen zerbitzua eskainiko da, euskaraz eta gaztelaniaz.
Hitzaldia bihar, hilaren 8an, 19:00etan Donostiako Kutxa Andia ekitaldi-aretoan izango da.
(Iturria: UPV/EHU)