UNEDek hezkuntza-edukiak atzitzeko plataforma irekia eratu du: UNED Abierta

UNED Abierta-k atzipen irekia duten baliabide guztiak eskaintzen ditu unibertsitate komunitatea osotzen dutenei zein interesa duen edonori. Proiektu honetan topa ditzakegu, besteak beste, irrati eta telebista saioak, multimedia edukiak, hezkuntza-baliabideak, digitalizatutako funts historikoak, ekimen eta egitasmo ugari, podcast-ak, liburu elektronikoak, datu baseak, doktorego tesiak, zientzia-aldizkariak, ikasketa-gidak eta UNEDek ematen dituen COMA, Cursos Online Masivos y Abiertos.

Ekimen honen helburu nagusia debaldeko hezkuntza-materiala biltzea, sailkatzea eta atzipena erraztea bada ere, eduki-irekiak sortzea sustatu nahi du hein berean. Hartara, hezkuntza komunitateak bere osotasunean parte hartuko duen eredu kolaboratibo berriak artikulatuko ditu, irakasleak, ikerlariak edo ikasleak, aldi berean, lan berrien sortzaile eta jasotzaile izan daitezkeelako.

Baliabideak gordailu ezberdinetan bilduta eta sailkatuta daude, UNED berari buruzko informazio gehiagorekin osatzen delarik:

• UNED COMA: on-line ikastaroei buruzko informazioa eta izen ematea.
• UNED: unibertsitatearen web-a.
• Biblioteka: deskargarako UNEDek sortutako baliabide eta material elektronikoen sailkapena (liburu elektronikoak, aldizkari digitalak, funts digitalizatuak,...)
• iTunes U: 250.000tik gorako ikasgai magistral eta hezkuntza-baliabide. iPod, iPhone, iPad, PC eta Mac-en deskargatzeko eta erabiltzeko.
• OpenCourseWare (OCW): argitalpen elektronikoen zabaltze ekimena.
• Social 2.0: Helbideak.
• Multimedia: UNEDek sortutako ikus-entzunezko baliabide eta kanalak.
• Berriak: UNED Abiertan gertatzen diren berritasunak.
• Zentro Elkartuak