Hemen zaude: Hasiera Ziztu bizian Science+ ekitaldia ospatuko da UPV/EHUren eskutik
Erabiltzailearen akzioak

Science+ ekitaldia ospatuko da UPV/EHUren eskutik

2015/05/06 - Unibertsitatea.net
Maiatzaren 7, 8 eta 9an Science+ izeneko ekitaldia ospatuko da UPV/EHUko Bizkaia Aretoan eta zientzia arloan Europan dauden lanbide-aukerak aztertuko dira batez ere.

Datorren maiatzaren 7, 8 eta 9an ospatuko da Science+ izeneko ekitaldia Euskal Herriko Unibertsitatearen eskutik. Bilboko abandoibarran kokatzen den Bizkaia Aretoan izango da eta besteak beste, interes orokorreko hitzaldi nagusiak, hitzaldiak eta entzule eta hizlarien arteko eztabaida-saioez gozatzeko aukera izango da bertan.

Kazetaritzan eta edizio zientifikoan, ikerketan, I+G enpresetan eta I+Gren finantziazioan ibilbide luzea dutenak izango dira hitzaldi eta eztabaida-mahaietako protagonistetako batzuk. Batez ere, Europako lanbide-aukerei lotutakoak izango dira ekintza guztiak. Pertsonen esperientzietatik ikasi, euren intereseko zientzia-elkarteak ezagutu edota beraientzako lagungarri izan daitezkeen I+G programak ezagutuko dituzte parte hartzaileek.

Jardunaldi gehienak gazteleraz izango dira, hala ere batzuk ingeleraz izango dira. Scienceplus.es webgunean aurkituko duzue ekitaldiaren inguruko informazio gehiago, bertan eman behar da izena.

 

Bilaketa
Hemeroteka

Hemeroteka

Argazki galeria
 
bisitari