Dokumentuaren akzioak
Ikerlari euskaldunen lana ezagutzeko jarraitu bihar #txiotesia lehiaketa
Bihar da eguna :)! Bihar ospatuko dugu #txiotesia lehiaketa.
Ikertzaileok dagoeneko tesia 6 mezutan laburtzeko estrategia pentsatuta izango duzue eta zuen lanaren pintzelada bat jaso nahi dugunok berriz #txiotesia traola jarraituko dugu.
Hala ere, ikerlari! irakurri berriz parte hartzeko arauak: ez ahaztu txioak zenbatzea, #txiotesia traola erabiltzea, euskara hutsean parte hartzea... Epaimahaiak arauak bete dituztenen lana soilik hartuko du kontutan!
Ez dakigu zenbatek parte hartuko duzuen baina epaimahaiari lan asko ematea da gure helburua :P.
Animo guztioi eta bihar arte!
Oharra: Gogoratu sarituak nortzuk diren azaroaren 25eko Sari Banaketa Ekitaldian jakinaraziko ditugula. Animatu eta hurreratu Donostiako Koldo Mitxelena Kulturunera (12.00).