Dokumentuaren akzioak
Ikasketa eskaintza ezagutarazteko ateak irekiko dituzte unibertsitateek
2019/01/16 - Unibertsitatea.net
2019/2020 ikasturtean unibertsitatera sartzear dauden ikasleei zuzendutako saioak izaten dira eta urtarriletik ekainera bitartean ospatuko dira. Bihar bertan Deustuko Unibertsitateak irekiko ditu Bilbon eta Donostian dituen campusetako ateak.
Unibertsitatera sartzeko dauden ikasleentzako orientazio azokak eta ate irekien saioak antolatzen hasita daude Euskal Herriko unibertsitateak.
Batik bat 2019/2020 ikasturtean unibertsitatera sartzear dauden ikasleei zuzendutakoak dira eta urtarriletik ekainera bitartean unibertsitateek beraien eskaintza ezagutarazteko ateak irekiko dituzte.
Gaurkoan, unibertsitate desberdinetako saio batzuen datak jasotzen saiatu gara. Hemen dituzue:
- Mondragon Unibertsitatea: urtarrilaren 23tik ekainera bitartean hainbat saio antolatu dituzte. Informazioa.
- IMH: urtarrilaren 23tik ekainera bitartean hainbat informazio saio antolatu dituzte. Informazioa.
- UPV/EHU: urtarrilaren 26an Gipuzkoan, otsailaren 2an Araban eta otsailaren 9an Bizkaiko Campusean antolatuko ditu Orientazio Azokak (9.00-14.00). Informazioa.
- Bilboko Merkataritza Ganberako Unibertsitate Eskola: Urtarrilaren 24an, 19.00etan (Gasteizen). Informazioa.
- Begoñako Andra Mari Irakasleen Unibertsitate Eskola: ate irekien saioa otsailaren 20an. Informazioa.
- Gasteizko Erizaintza Unibertsitate Eskola: martxoaren 2an. Informazioa.
- UPNA/NUP: Nafarroako Unibertsitate Publikoak ere bere bi campusetan antolatu ditu ate irekien saioak. Martxoaren 30ean eta apirilaren 13an Iruñean eta Tuteran apirilaren 6an. Informazioa.
- Nafarroako Unibertsitatea: Apirilaren 6an. Informazioa.
- Digypen. Otsailaren 16an, 10.30etan. Informazioa.
- Basque Culinary Center: Informazioa.
- Creanavarra: urtarrilaren 26an. Informazioa.