Hemen zaude: Hasiera Ziztu bizian Euskararen araugintza ikastaroa Iruñean UEUk eta EIBZk antolatuta
Erabiltzailearen akzioak

Euskararen araugintza ikastaroa Iruñean UEUk eta EIBZk antolatuta

2007/03/06 - UEU
Martxoaren, 15, 16, 22 eta 23an izango da "Euskara: ARAUGINTZA I" ikastaroa UEUren Iruñeako egoitzan.

Euskara: ARAUGINTZA I ikastaroa antolatu dute Udako Euskal Unibertsitateak (UEU) eta Euskararen Irakaskuntzarako Baliabide Zentroak (EIBZ) Iruñean.

Gizarteak alor guztietan ematen dituen urratsak geroz eta nabarmenagoak dira. Berrikuntza horietara euskarak ere egokitu beharra izaten du, bai lexiko aldetik eta baita zuzentasun aldetik ere. Horregatik antolatu du UEUk ikastaro hau, Euskaltzaindiak argitara eman dituen hainbat arau ezagutzera eman eta praktikan jartzeko.

Ikastaroa UEUk Iruñean duen egoitzan izango da martxoaren 15, 16, 22 eta 23an, arratsaldeko 17:00etatik 20:30etara. Ikastaroa, EIBZko irakasleak diren Javier Tirapu eta Miren Basurtok emango dute eta izen emate epea irekita dago.

Informazio gehiago HEMEN eskuratu dezakezu edo nafarroa@ueu.org helbidera idatziz.




Bilaketa
Hemeroteka

Hemeroteka

Argazki galeria
 
bisitari