EHUko Informatika Fakultateak Batxilergoko eta Goi Mailako Zikloetako ikasleentzat Praktiken Jardunaldiak antolatu ditu laugarrenez

Jardunaldi honen helburu nagusia informatikaz eta teknologia berriez interesa duten ikasleei teknologia horiekin jolasteko eta esperimentatzeko aukera ematea da, unibertsitateko Gradu bat aukeratu behar duten garaian ezagutza zehatzagoa izan dezaten.

Parte-hartzaileek, unibertsitateko irakasleen laguntzaz, eta talde txikietan banatuta, hainbat praktika multzo egingo dituzte, eta izandako esperientziak elkartrukatzeko tartea ere izango dute.

Laborategi-saioetan informatika arloko hainbat gai landuko dira, besteak beste, oinarrizko eragiketa aritmetikoak eta logikoak, irudiak eta soinuak prozesatzeko algoritmoak, konputagailu pertsonal baten osagaiak, komunikazio-sareak, web-a, konputagailu bidezko ikusmena, robotika, mikroprozesadore bidez kontrolatutako sistemak, eta mundu birtualak.

Argibide gehiago:

• Agustin Arruabarrena, Dekanoa. E-posta: agustin.arruabarrena@ehu.es Tel: 943 015082 / 943 018026

• Victoria Fernandez, Jardunaldi praktikoen koordinatzailea. E-posta: victoria.fernandez@ehu.es Tel: 943 015048
• Montse Maritxalar, Dekano ordea. E-posta: montse.maritxalar@ehu.es Tel: 943 018029 / 943 015064