Edukira salto egin | Salto egin nabigazioara

Hemen zaude: Hasiera Ziztu bizian Ebaluazioaren esparruko mundu mailako 350 psikologo aditutik gora batuko dira Donostian

Dokumentuaren akzioak

Ebaluazioaren esparruko mundu mailako 350 psikologo aditutik gora batuko dira Donostian

2013/07/17 - Unibertsitatea.net
UPV/EHUren Donostiako Psikologia Fakultateak hartuko du nazioarteko biltzarra uztailaren 17tik 20ra.

EAPA (European Association of Psychological Assessmen) elkarteak 2 urterik behin antolatzen duen European Conference on Psychological Assessment biltzarraren 12. edizioa (ECPA12) Donostian ospatuko da uztailaren 17tik 20ra.

Bertan, ebaluazioaren arloko munduko psikologo adituak bilduko dira, alegia, 5 kontinenteetako 45 herrialdeko 350 espezialistatik gora.

UPV/EHUko Psikologia Fakultateak hartuko du biltzarra eta aparteko garrantzia duten hainbat gai landuko dira egunotan. Esaterako duela hilabete eskas AEBetan argitaratu berri den DSM-5 buru-nahasteak sailkatzeko eskuliburuari buruzko mundu mailako lehenengo eztabaida profesionala egingo da. Kontuan hartu behar da esparruko eskuliburu erabiliena dela eta DSMren aurreko edizioa 1994koa dela.

Egitarau guztia ECPA12ren webgunean duzu.