Dokumentuaren akzioak
Bihar hasiko dira unibertsitaterako hautaprobak
Batxilergoko ikasleek ekainaren 9tik 11ra bitartean egingo dute unibertsitatera sartzeko hautaproba.
Hona hemen datu batzuk:
EUSKARA GAZTELERA GUZTIRA
ARABA 503 551 1.054
BIZKAIA 2.110 1.915 4.025
GIPUZKOA 2.239 730 2.969
NAFARROA 502 1.742 2.244
GUZTIRA 5.354 4.938 10.292
10.292 ikaslek egingo dute hautaproba eta % 52ak euskaraz egitea erabaki du.
Gainera aurten unibertsitatera sartzeko hautaprobak aldaketak izango ditu. Hauexek dira oso labur hautaproba berriaren xehetasunak:
Froga orokorra:
- 5 ariketa izango ditu (iaz baino 2 gutxiago): Gaztelania eta literatura / Euskara eta Literatura / Filosofia edo Historia / Atzerriko Hizkuntza / 2. batxilergoko irakasgai bat.
- 0tik 10era puntuatuko da eta gainditzeko 4 atera behar da gutxienez.
Froga espezifikoa:
- Froga boluntarioa da.
- 2. batxilergoko 3 irakasgai hautatu behar ditu ikasleak.
- 0tik 10era puntuatuko dira eta gainditzeko 5 edo gehiago atera behar da.
- Bi notarik onenak hartuko dira batez besterako kontutan.
- Hauek aurrez unibertsitateak zehaztutako balioaren arabera haztatuko dira (0,1 edo 0,2).
Hautaprobako nota nola kalkulatuko da?
- Batxilergoko nota haztatuaren %60a eta hautaprobako fase orokorrekoaren %40a kontuan hartuta ikasleak 5a eskuratu behar du gutxienez.
- Nota honi fase espezifikoan lortutako nota gehituko zaio.
EAEko ikasleek UPV/EHUn egingo dute froga eta Nafarroakoak berriz UPNA/NUPn. UPV/EHUn hautaproba egingo duten 8.048 ikasletatik %89,4k erabaki du froga zehatza egitea eta UPNA/NUPn egingo duten 2.244 ikasleen % 86,68ak.