Edukira salto egin | Salto egin nabigazioara

Hemen zaude: Hasiera Ziztu bizian "Be in Gipuzkoa" aurkeztu du Gipuzkoa Berritzen Innobasquek

Dokumentuaren akzioak

"Be in Gipuzkoa" aurkeztu du Gipuzkoa Berritzen Innobasquek

2010/09/29 - Unibertsitatea.net
Gipuzkoa Berritzen – Innobasquek, gaur, “Be in Gipuzkoa” liburua aurkeztu duGipuzkoako Foru Aldundian; Gipuzkoako historiaren, bertako erakunde eta jendearen ikuspegi berritzailea eskaintzen du argitalpenak, Ekaingo haitzulotik hasita gaur egunera arte.

Lurraldearen berrikuntza-tradizioa jendartean zabaltzeko helburuarekin, Gipuzkoa Berritzen- Innobasque-ek "Be in Gipuzkoa" liburua argitaratu du, iraganeko, oraingo eta etorkizuneko gertaera gogoangarriak jasotzen dituena, Gipuzkoa berrikuntzaren buru-buruan jartzen duena. Argitalpen honek kontatzen duen historia Ekaingo haitzuloetan hasten da, eta XXI. mendetik haratago doa.

 

Liburuak mugarri eraldatzaileak jasotzen ditu, berrikuntzaren ardatz hori gauzatzen lagundu dutenak: Ekaingo haitzuloa, Santiago bideak bultzaturiko konexioak,Loiolako Inazioren ikuspegi globala, itsasoak sorturiko aukerak, balea-arrantzaren negozioa, itsas aurkikuntzak, Juan Sebastian Elkano, Amerika… Gaur egungora iritsita, hemen MCC edo Donostiako Teknologia Parkea agertzen dira, eta Pedro Miguel Etxenike edo Juan Mª Arzak bezalako pertsonak.