Dokumentuaren akzioak
Basque Culinary Centerrek hegazti-sektorean ikerkuntza eta berrikuntza bultzatuko du
Aliantza estrategiko bat sinatuta, Gorrotxategi arrautza-ekoizlea Basque Culinary Center proiektuari atxiki zaio. Hitzarmenaren bidez, hegazti-sektorearen eta gastronomiaren artean sinergiak sortzeko konpromisoa hartu dute bi aldeek.
Basque Culinary Center Fundazioaren oinarrietako bat da goi-sukaldaritzako profesionalen artean eta zuzenean edo zeharka gastronomiari lotuta dauden enpresa-sektoreen artean ikerkuntza eta jakintza-transferentzia sustatzea. Hori lortzeko, baina, funtsezkoa da proiektuari aliatu berriak atxikitzea.
Gorrotxategi arrautza-ekoizlea Basque Culinary Centerren proiektuari atxiki zaio sinatutako hitzarmenarekin. Honekin, hegazti-mundua gehitu diote proiektuari eta bost urterako lankidetza hitzartu dute. Ikerketaz gain, prestakuntza-programetan ere lankidetzan arituko dira, batez ere hegazti-mundua eta mundu horrek gastronomiarekin duen lotura hedatzeko helburu dutenetan.