Dokumentuaren akzioak
Aranzadiren Entomologia Sailean praktikak egiteko deialdia
Aranzadi Zientzia Elkarteko Entomologia Sailak honako deialdia zabaldu du: "Mehatxuan dauden koleopteroen laginketan laguntzeko praktikak eskaintzen ditugu"; hortaz, arriskuan dauden espezieen ikerketan esperientzia eskuratzeaz gain, laginketa metodologiak ezagutu edota ekologiaren zein basoaren historian murgiltzeko aukera eskaintzen dute.
Artikutzako Kontserbazio Bereziko Eremuan egingo dira praktiken landa-lanak; hiru egunez bi hilabetetan zehar. 2016ko maiatza eta abuztua bitartean (biak barne) Oiartzunen batuko dira praktikariak goizeko 07:30-08:30ean eta etxerako buelta eguneko lanaren araberakoa izango da.
Izena emateko
Honako profilaren bila dabiltza: ornogabeengan eta baso ekosistemengan interesa duen pertsona bilatzen dugu, eta mendian egiten den lana dela-eta, fisikoki ondo dagoena.
Horrenbestez, izena emateko interesa baldin baduzu CVa bidali Alberto Castro ikertzaileari adecastro@aranzadi.eus helbidera.